Pájina aktualizada iha 08:03h, domingu 19 Novembru

Xi no Trump iha telefonema "pozitivu tebes" konabá komérsiu

03 de Novembro de 2018, 01:02

Prezidente xinéz, Xi Jinping, iha konversa telefónika ida ne'ebé "pozitivu tebes" ho prezidente norte-amerikanu, Donald Trump, konabá komérsiu no asuntu sira seluk, hatete Ministeriu Negosiu Estranjeiru Xina nian iha loron-sesta ne'e.


Lider na'in rua ne'e konkorda hodi "haforsa troka komersial sira", hatete porta-voz ministeriu nian, Lu Kang, maibé la fó indikasaun konabá se halo progresu iha rezolusaun iha eskala funu tarifa sira nian konabá politka ho teknolijia Pekin nian.

Antes ne'e, Trump refere iha ninian rede sosial Twitter katak nia ho Xi iha konversa ida ne'ebé "di'ak tebes".

"Ha'u konkorda, konversa ne'e pozitiva tebes", deklara Lu iha kontaktu ho jornalista sira.

Pekin investe hela dolares billaun hodi forma fabrikante 'chips' sira, hodi halo nasaun ne'e nu'udar lider global iha setor robotika ka intelijénsia atifisial.

EUA konsidera katak estratejia Pekin nian viola sira nian kompromisu hodi loke merkadu, liu-liu obriga empreza estranjeiru sira hodi transfere teknolijia no atribui subsidiu ba firma doméstika sira, enkuantu proteje hosi kompetisaun esterna.

Prizidente norte-amerikanu anunsia tiha ona katak taxa sira ne'ebé too 25% ho total dolares millaun 250 importasaun sira ne'ebé mai hosi Xina, hodi presiona nasaun ne'e ho sira nian planu sira.

Trump hatete sei hasoru malu ho Xi durante enkontru G20 ne'ebé maka sei halao fulan ne'e iha Arjentina.

"Lider na'in rua ne'e atribui importánsia boot ba lasu sira netre Xina no Estadus Unidus no ba relasaun ekonomika sira", hatete Lu, no adianta mós katak Trump no Xi konkorda ho debate komersial "tenki trata ho los" liu hosi konversa sira ho substánsia.

ho Lusa

 


Comentários

Critério de publicação de comentários