Pájina aktualizada iha 08:23h, domingu 19 Novembru

Veta ba viajen sira PR timoroan nian ba rai liur "la di'ak" ba Timor-Leste

06 de Novembro de 2018, 02:06

Prezidente Konferénsia Episkopal timoroan konsidera iha loron-segunda ne'e katak vetu sira tutuir malu hosi parlamentu ba deslokasaun Prazidente Republika nian ba rai liur, inklui mós xumbu loron-segunda ne'e nian ba vizita ida ba Vatikanu, "la di'ak ba Timor-Leste".


"Ha'u la hatene saida maka iha kotuk ba buat sira ne'e hodi veta sistematikamente saida Prezidente nian. Maibé ha'u sente katak ida ne'e la di'ak ba Timor. Pelumenuz la promove Timor nian naran iha sena internasional", hatete prezidente Konferénsia Episcopal Timoroan, Basílio Nascimento.

Nu'udar bispo Baucau nian mós, sidade daruak timoran nian, reaje hanesan ne'e hafoin Parlamentu Nasional timoroan xumba tiha iha loron-segunda ne'e, tanba "situasaun nasaun nian", konabá deslokasaun Prezidente Republika, Francisco Guterres Lu-Olo nian, ba Vatikanu, ne'ebé maka hanesan nega ba da hat ba viajen xefe Estadu nian ba rai liur.

Xumbu sira ne'e justifika hanesan argumentu ida katak Prezidente Republika labele sai hosi nasaun enkuantu sei iha "impase politiku" tanba nomeasaun sira ba membru sira balun Governu nian ne'ebé maka primeiru-ministru indijita no ne'ebé maka xefe Estadu seidau fó pose, balun tanba iha prosesu sira iha justisa no balun tanba iha "prefil étiku kontroversu ida".

Situasaun ne'e nafatin hela no seidauk iha solusaun ba impase ne'e, ho Prezidente no Governu ne'ebé deklara katak sei kontinua dialogu. Ezekutivu ne'e hasai ona na'in tolu hosi sira na'in sia ne'e, no aprezenta alternativa sira ne'ebé aseita hosi Lu-Olo, maibé kontinua la iha solusaun ba sira na'in nein ne'ebé maka inklui ministru sira Finansas, Saude no Interior.

Basílio do Nascimento hatete katak la hatene kestaun sira ne'ebé justifika asaun sira ne'e, maibé fó hanoin asuntu sira soberania nian.

"Ha'u sente katak órgaun soberania sira labele funsiona hanesan balas malu", hatete.

"Too agora ha'u ignora razaun sira hodi seño Prezidente veta ba naran sira ba señor sira ne'e ka razaun tanba sá Governu sei insiti nafatin ba naran ba señor sira ne'e", afirma Basílio Nascimento.

Parlamentu xumba tiha ona, iha fulan Outubru, vizita ba Indonezia no iha fulan Setembru pedidu autoriza Prezidente Republika nian ba vizita Nova Iorke hodi partisipa iha Asembleia-Jeral ONU nian.

Iha fulan Jullu, parlamentu xumba tiha ona pedidu autorizasaun vizita Prezidente nian ba Portugal.

ho Lusa

 


Comentários

Critério de publicação de comentários