Pájina aktualizada iha 08:01h, domingu 19 Novembru

Xanana Gusmão hatete katak PR tenki kumpri Konstituisaun hodi vizita ba rai-liur

07 de Novembro de 2018, 02:38

Lider koligasaun ne'ebé maka apoia Governu timoroan, Xanana Gusmão, hatete iha loron-tersa ne'e katak Prezidente Republika tenke respeita Konstituisaun konabá oinsá hetan autorizasaun parlamentu hodi viajen ba rai-liur.


"Señor Prezidente tenki komprende situasaun", hatete Xanana Gusmão, husu hosi jornalista sira konabá se fó instrusaun ruma ba partidu sira koligasaun nian hodi nega autorizasaun vizita ida Francisco Guterres Lu-Olo nian ba Vatikanu.

"Señor Prezidente sai tena hanesan prezidente Asembleia Konstituinte, ne'ebé maka halo Konstituisaun, no tenki respeita a Konstituisaun, kumpri ho halo kumpri Konstituisaun", hatete, no la mesiona konabá motivu tanba saida xumbu ba deslokasaun xfe Estadu nian.

Iha loron-segunda Parlamentu Nasional timoroan xumba tiha deslokasaun Prezidente Republika, Francisco Guterres Lu-Olo nian ba Vatikanu, tanba "situasaun nasaun nian", ne'ebé maka sai nu'udar rekuza ba dala hat ba viajen ida ba estranjeiru xefe Estadu nian.

Bankada sira Governu nian kontinua kontesta impase ne'e tanba nomeasaun membru sira balun Governu nian ne'ebé maka primeiru-ministru indijita no ne'ebé maka xefe Estadu seidauk fó pose, balun tanba iha prosesu iha justisa no seluk tanba iha "perfil étiku ida ne'ebé kontroversu".

Opozisaun konteste asaun bankada sira maioria nian, no afirma katak iha kauza iha "kestaun ida Estadu nian" no laos kestaun politika interna.

Iha mensajen iha ne'ebé lé hosi xefe Casa Civil, Prezidente timoroan lamenta "tebes" ho desizaun maioria Governu nian.

Prezidente Konferénsia Episkopal timoroan konsidera iha loron-segunda ne'e katak vetu sira tutuir malu hosi parlamentu ba deslokasaun Prazidente Republika nian ba rai liur, inklui mós xumbu loron-segunda ne'e nian ba vizita ida ba Vatikanu, "la di'ak ba Timor-Leste".

"Ha'u la hatene saida maka iha kotuk ba buat sira ne'e hodi veta sistematikamente saida Prezidente nian. Maibé ha'u sente katak ida ne'e la di'ak ba Timor. Pelumenuz la promove Timor nian naran iha sena internasional", hatete Basílio Nascimento.

"Ha'u sente katak órgaun soberania sira labele funsiona hanesan balas malu", hatete.

Husu konabá impaktu xumbu nian ba populasaun ne'ebé maka maioria katolika, Xanana Gusmão hatan fali ho husu no referénsia ba desizaun judisial ida ne'ebé resente.

"Maioria hosi relijiaun katolika... Entaun tenki koalia ho juiz no prokurador sira. Kondena tanba ida ne'e. Ida ne'e katóliku?", nia husu.

Xanana Gusmão refere ba desizaun ida Tribunal Distrital Dili nian, ne'ebé maka iha hahú fulan Outubru ne'e, kondena eis-ministru no ninian xefe gabinete ba pena suspensa tinan rua no fulan nein ba prizaun tanba empresta kareta ida ba parokia hodi uza, iha tinan 2012.

ho Lusa

 


Comentários

Critério de publicação de comentários