Pájina aktualizada iha 05:32h, tersa-feira 12 Dezembru

Governu timoroan aprova sosa partisipasaun Shell nian iha Greater Sunrise

23 de Novembro de 2018, 23:15

Governu timoroan aprova iha loron-sesta ne'e, iha reuniaun estraordinaria kontratu ba sosa partisipasaun Shell nian iha konsorsiu kampu petroliferu sira iha Greater Sunrise.


"Konsellu Ministru apoia sosa partisipasaun Shell Enerjia Australia nian iha konsorsiu kampus sira Greater Sunrise", hatete Agio Pereira, ministru Estadu no Prezidénsia Konsellu Ministru nian, ba jornalista sira.

Akordu ba faan no sosa, ho valor dolares millaun 300 ne'e asina hosi reprezentante espesial Timor-Leste nian, xanana Gusmão, no prezidente ezekutiva Sheel Australia nian, Zoe Yujnovich, iha illa indonezia Bali iha loron-kinta ne'e.

Konsorsiu ba kampu petroliferu sira Greater Sunrise, iha Tasi Timor, lideradu hosi australiana Woodside, operadora (ho kapital 33,4%), no inklui ConocoPhilips (30%), Shell (26,6%) no Osaka Gas (10%).

Timor-Leste mós halo akordu ho norte-amerikana ConocoPhilips ba sosa partisipasaun, iha negosiu ida ho valor dolares millaun 350. Ho operasaun rua ne'e, nasaun ne'e iha 56% iha konsorsiu.

Hodi finansia operasaun ConocoPhilips, foin lalais ne'e Parlamentu timoroan aprova alterasaun lejislativa ida ba diploma konabá operasaun petrolifera sira hodi tau fin ba limiti 20% ba partisipasaun masima ne'ebé maka Estadu bele hetan iha operasaun petrolifera sira ne'e.

Alterasaun ne'ebé maka introduz tan ezekusaun ba rejime ba vistu préviu Kámara de Konta nian, ne'ebé maka agora daudaun ne'e iha hela Prezidénsia Republika hodi promulga.

Objetivu fofoun maka, permiti Estadu konkretiza, liu hosi petrolifera Timor Gap, sosa partisipasaun ConocoPhilips nian iha konsorsiu iha Greater Sunrise, ho valor dolares millaun 350.

Metodu ne'ebé hanesan, rekore ba Fundu Petrolifera hodi konkretiza operasaun hanesan investimentu, tenki tuir kazu operasaun ne'e.

Kampu sira Greater Sunrise nian iha rezerva sira estimada ho trilliaun 5,1 pés kubikus gás no lokalizadu iha Tasi Timor, besik kilometru 150 hosi sudeste Timor-Leste no kilometru 450 hosi noroeste Darwin, iha Australia.

Iha reuniaun loron-sesta ne'e nian, Konsellu Ministru mós aprova nomeasaun Xanana GUsmão nian nu'udar reprezentante espesial Governu nian ba negosiasaun ba fronteira sira ho Indonezia.

Roberto Soares nomeadu nu'udar xefe ba ekipa teknika negosiasaun fronteira terestre ho Indonezia.

ho Lusa

 


Comentários

Critério de publicação de comentários