Pájina aktualizada iha 05:30h, tersa-feira 12 Dezembru

Jornalista timoroan sira konklui formasaun iha "literasia orsamental" iha Dili

24 de Novembro de 2018, 01:37

Grupu ida ho jornalista timoroan sira hamutuk na'in 27 konklui formasaun ida konabá "literasia orsamental", konduzida ho apoiu espesialista portuguez sira, iha ámbitu ba projetu ida Camões no Uniaun Europeia (UE) nian.


Helena Garrido, jornalista portugueza ne'ebé maka koordena formasaun ne'e, hatete ba Lusa katak ne'e hanesan "esperiénsia estraordinaria ida" ne'ebé mak nia hein katak, ajuda kobertura ba Orsamentu Jeral Estadu nian (OJE) ba tinan 2019, ne'ebé maka iha hela prosesu formal iha parlamentu "bele di'ak liu tinan kotuk sira".

Analiza ba formasaun semana rua ne'e, Garrido hatete katak nia surpreendida maski ho difikuldade balun iha lian, maibé ne'e la sai problema, iha partikular, no mós konfirma katak falta ba koñesimentu konabá materia sira ne'e la diferente liu ho alunu sira ne'ebé maka iha Portugal.

"Falta ba koñesimentu laos diferente liu hosi alunus portugués sira balun. Ha'u admite katak ha'u hanoin poir liu, maibé lae", nia afirma.

Hanesan ezemplu nia fó matemátika ba jornalista sira, ne'ebé maka nia dehan "falta ba koñesimentu ho ho à-vontade ho numeru sira la diferente iha ne'e no ho sira ne'ebé ita hetan iha Portugal".

Nia hatete buat ida ne'ebé interesante maka, maski ho falta iha dominiu ba lian portugueza, serve mós ba nia hodi hakas an hodi uza linguajen ne'ebé simples no asesivel, buat ida ne'ebé maka importante ida jornalista sira nian lonron-loron.

Iha ezersisiu ida, no ne'ebé maka hanoi ona ba OJE tinan 2019 nian, formandu sira hili tema ne'ebé maka sira konsidera hanesan prioritariu ba konta publika sira.

"Se iha Portugal ierarkia ba tema sira maka hanesan impostu, funsionáriu publiku no pensionista, iha ne'e sira hili saneamentu báziku, edukasaun, Fundu Petroliferu no estrada", nia afirma.

Intervén iha enseramentu ba formasaun ne'e, sekretariu Estadu Komunikasaun Sosial, Merício Akara, elojia apoiu Portugal nian iha setor komunikasaun sosial ba Timor-Leste, no mós ba inisiativa ne'e.

"Finansas publikas hanesan área ida ne'ebé importante tebes iha Timor-Leste. No iha jornalista sira ne'ebé ho kapasidade hodi informa ho forma ne'ebé klara no sempre ho lian portugueza konabá asuntu ne'e fundamental tebes", hatete.

Embaixador Portugal nian iha Dili, José Pedro Machado Vieira, subliña importánsia asaun sira hanesan ne'e hodi ajuda hadiak "kompeténsia sira jornalista nian iha akompañamentu ba temas sira ne'ebé relasiona ho ekonomia no finansas publikas no, liu-liu, ba asuntu orsamental sira no supervizaun ba kontas publikas nian".

"Ne'e hanesan tema sira ne'ebé komplexu no ejizente tebes, maibé ho importánsia ida ne'ebé boot ba kualidade desizaun ba eskolla publika nian no uzu efisiente finansas publika nian. Iha final ba formasaun ne'e, jornalista sira partisipa kapasitadu liu hodi analiza kestaun orsamental no finaseira sira", refere.

"Jornalista sira nian asaun agora ne'e sei rigorozu no responsavel liu, hodi nune'e hadiak funsionamentu instituisaun demokratika sira, posibilidade ba akompañamentu hosi parte sidadaun sira hodi bele informadu liu, no ho ida ne'e, kontribui ba kualidade ba opsaun Estadu no Governu nian", hatete.

Alexandre Leitão, embaixador Uniaun Europeia nian iha Dili destaka importánsia jornalista sira nian iha reforsu ba demokrasia no ba gorvernasaun ne'ebé di'ak.

"Komunikasaun sosial iha papel ne'ebé determinante tebes ba governasaun ne'ebé di'ak no mós ba demokrasia. Komunikasuan sosial karik hanesan instrumentu prinsipal ba komunikasuan entre poder politiku no sosiedade sira", hatete.

Inisiativa ne'e dezenvolve hosi Unidade Implementasaun Camões nian, hosi Programa UE nian ho Perseria ba Hadiak Prestasaun Servisu sira nian liu hosi reforsu Jestaun no Supervizaun Finansas Publikas iha Timor-Leste (PFMO).

Kofinansiadu hosi UE no implementadu ho modelu kooperasaun delegada hosi Camões - Instituto da Cooperação e da Língua, projetu PFMO ne'e hanesan programa boot ba apoiu institusional iha Timor-Leste.

Projetu ne'e konta ho finansamentu euro millaun 12 liu hosi Fundu Europeu Dezenvolvimentu nian ba dala 11 no hosi Camões besik euro rihun 600, no fahe ba komponente importante rua, liu-liu apoiu orsamental ba Ministériu das Finansas no fortalesimentu no kapasitasaun institusional.

ho Lusa

 


Comentários

Critério de publicação de comentários