Pájina aktualizada iha 05:30h, tersa-feira 12 Dezembru

Oftalmolojista portuguez sira ajuda timoroan sira hodi rekupera vizaun

27 de Novembro de 2018, 23:25

Ekipa ida oftalmolojista portuguez volutariu sira termina sira nian missaun tempu badak ida iha Timor-Leste iha loron-tersa ne'e, ne'ebé maka sira halo operasaun besik 30, no ajuda ema barak rekupera fali sira nian vizaun, ne'ebé lakon, iha kazu balun, iha tinan barak n ian laran.


Aranke projetu ida hosi Asosiasaun Hare ba Mundu nian ne'ebé maka durante semana rua fó apoiu ba konsulta sira besik 850, iha nasaun ida ne'ebé maka iha oftalmolojista ida ba habitante hamutuk millaun ida: ne'ebé maka ba Portugal hanesna oftalmolojista na'in 10.

Ana Vergamota, prezidente, no Guilherme Neri, vise-prezidente asosiasaun nian, iha Timor-Leste durante semana rua no ho sira nian kolega na'in rua tan iha terenu durante besik semana ida.

Iha periodu ne'e oftalmolojista portuguez sira halo sirurjia ba katarata traumatika sira hamutuk 20, sirurjia ba katarata senil hat, no sirurjia ba traumatismu segmentu anterior nian hamutuk nein.

"Di'ak tebes bainhira hare, hafoin sirurjia, ema moras ida ne'ebé maka kleur la hare derepente bele hare fila fali sira nian familia no mundu. Sira nian hamnasa dehan buat hotu. Ema moras sira ne'e sei sente gratu ho sirurjia sira ne'ebé maka halo ne'e", esplika Ana Vergamota.

Iha final misaun ne'e - ne'ebé maka sira hakark repete fali ho dimensaun ne'ebé boot iha tinan sira oinmai - no fó balansu, sira esplika ba Lusa impaktu ne'ebé sente iha felisidade no hamnasa pasiente sira nian, hafoin tinan barak ne'ebé la hare, rekupera fali sira nian vista.

Neri rekorda iha partikular kazu joven tinan 15 nian ida ne'ebé maka "iha katarata traumatika dezde nian tinan 12 no hein hela hodi bolu ba sirurjia".

"Ne'e hanesan primeira vez ema moras ida hakuak ha'u bainhira hare ha'u too iha koredor loron turmai", nia konta.

Iha mós kazu sira ne'ebé komplikadu liu, hanesan pasiente ida ne'ebé ho meninzioma (kankru intrakranianu ida ne'ebé maka invade hela nervu otiku) ne'ebé maka agora lori ba Indonezia, ka labarik ida tinan 3, la hare matan rua hotu tanba leukoma (fitar) iha matan.

"Falta parte konsumivel sira, maibé ami nota mós katak iha falta informasaun. Ema moras barak maka la hela iha Dili no husik kleur moras sira ne'e, no ne'ebé maka bele mai cedo", esplika Ana Vergamota.

"Kazu traumatismu sira ne'ebé maka bele rezolve sedu tiha ona. Iha falta informasaun no barak maka la mai kedas hospital", hatete.

Kazu ida ne'ebé hare maka mane ida ho tinan 26 ne'ebé maka serbisu iha planatasaun kafe nian no ne'ebé maka lakon tiha nian matan ida tanba traumatismu no ne'ebé maka tanba traumatismu ba dala rua, iha fulan rua, dezenvolve tiha deskolamentu retina no lakon tiha vizaun ba matan ida fali.

"Kazu ne'e hatudu ba serbisu sira ne'ebé maka tenki halo: iha mós ema na'in ida ho tinan 26 ne'ebé la hare tiha tanba la iha kondisaun seguransa iha serbisu fatin, la iha asesu ba kuidadu saude sira, ka kuidadu saude sira ne'ebé maka iha asesu la konsegue fó resposta ba kazu sira ne'ebé dramatiku liu", hatete Neri.

Ana Vergamota nota katak tendénsia sira seluk maka katarata ne'ebé barak entre ema sira ne'ebé joven hela, liu-liu tanba traumatismu, no mós kazu sira ne'ebé "komplikada tebes infesaun ka inflmasaun sira, ne'ebé maka la hean barak iha Portugal".

"Ami sira ne'e la iha ida maka fluente iha tetum, tanba ne'e ami serbisu ho mediku sira ne'ebé maka iha ne'e, fó apoiu iha konsulta sira. Volume ba pasiente sira barak tebes. Iha media, ema moras sira hamutuk 100 ba loron ida. No sirurjia sira halo kedan iha loron ne'e se karik pasiente ka nian familia hakarak", esplika Neri.

Aleinde apoiu iha konsulta no sirurjia, oftalmolojista sira lori konsumivel sira ba uza dala ida nian deit, esensial ba oftalmolojista no iha konkretu permite halo sirurjia ba katarata sira hamutuk 150.

Objetivu hodi amplia programa ne'e iha futuru ho vizita anual ba Timor-Leste.

Hare ba Mundu ne'e kria iha fulan Agostu 2017, no hakarak ajuda hatan ba karensia sira iha oftalmolojia iha Timor-Leste ne'ebé maka serbisu ne'ebé destakadu maka Fred Hollows Foundation ne'ebé maka kria klinika klinika ida ne'ebé maka instalada iha Hospital Nasional Guido Valadares, iha Dili - iha ne'ebé maka oftalmolijista sira serbisu be.

Organizasaun ne'e rekorda katak nasaun sira ladun dezenvolvidu no entre populasaun sira ne'ebé la hare, ema na'in hat hosi na'in lima sofre matan delek tanba kazu ne'ebé hanesan.

Iha Timor-Leste, tuir dadu sira hosi Rapid Assessment of Avoidable Blindness (RAAB) revela prevalénsia matan delek nian ho 4,5% iha populasaun ho tinan 50 liu, no katarata senil maka hanesan prinsipal kauza (79,4%), tuir kedas patolozias segmentu posterior nian (6,2%) no glaukoma (5,2%).

ho Lusa

 


Comentários

Critério de publicação de comentários