Pájina aktualizada iha 05:32h, tersa-feira 12 Dezembru

Trump hakarak hakotu ona korida ba arma sira, hamutuk ho Prezidente Xi no Putin

04 de Dezembro de 2018, 00:50

Prezidente EUA nian, Donald Trump, anunsia iha loron-segunda ne'e ninian disponibilidade hodi serbisu ho ninian omólogu xinéz no rusu, hodi hakotu korida ba armamentu, ne'ebé maka "la iha kontrolu".


"Ha'u iha serteza katak, iha futuru, Prezidente Xi ho ha'u, hamutuk ho Prezidente Putin, Rúsia nian, hahú koalia konabá mudansa signifikativa ho korida ba armamentu importante no ne'ebé maka la iha kontrolu", hakerek Donald Trump, iha loron-segunda ne'e iha rede sosial Twitter.

Trump hatete katak "Estadus Unidus gasta dolares billiaun 716" iha armamentu, tinan ne'e.

"Loukura dida!", kamenta Trump.

Iha Twitter, Trump mós elojia ninian relasaun di'ak ho Prezidente Xina nian, Xi Jinping, no hatete katak hamutuk bele "lori mudansa ida ne'ebé pozitivu no forte, iha komersiu no liu tan ida".

ho Lusa

 


Comentários

Critério de publicação de comentários