Pájina aktualizada iha 05:42h, tersa-feira 12 Dezembru

Parlamentu timoroan prevé atu hahú iha loron-kinta ne'e debate ba Orsamentu Estadu nian ba tinan 2019

04 de Dezembro de 2018, 23:59

Parlamentu timoroan sei hahú iha loron-kinta ne'e debate iha jenarilidade Orsamentu Jeral Estadu nian (OJE) hodi tenta haruka dokumentu ne'e ba Prezidente Timor-Leste nian antes natal, hatete fonte parlamentar sira.


Previzaun katak debate iha jeneralidade ne'e sei interrompida iha loron-sesta, loron feriadu, no sei kontinua fali iha sabadu no iha loron-segunda, 10 Dezembru.

Debate iha espesialidade sei hahú kedas iha loron seguinte no sei kontinua too pelumenuz loron 15 Dezembru, no loron sira tuir ne'e rezervadu ba votasaun final no preparasaun testu nian hodi hafoin ne'e haruka ba xefe Estadu timoroan nian.

Prosesu diskusaun no votasaun proposta lei OJE nian formalmente hahú iha loron 08 Novembru liubá, bainhira proposta lei ne'e aprezentada ba Parlamentu, no distribui ba bankada sira no hatun komisaun espesializada sira iha loron 13 Novembru.

Audiénsia publika sira hotu tarde liu ituan hosi saida maka previstu, iha final semana kotuk, no Komisaun C (Finansas Publikas nian) tau hamutuk hela relatoriu sira iha testu final ne'ebé maka sei lori ba plenariu.

Prezidente timoroan, Francisco Guterres Lu-Olo, iha loron 30 hodi analiza dokumentu ne'e. Iha tinan 2018, analize no promulgasaun OJE nian ne'e demora besik loron 20.

Konta publika sira timoroan nian ba tinan 2019 hanesan ne'ebé maka ass, ne'ebé aumenta besik dolares millaun 1,8, inklui mós millaun 350 ba Ministeriu Petroleu no Minerais hodi konkretiza, liu hosi petrolifera nasional Timor Gap, sosa partisipasaun 30% ConocoPhilips nian ne'ebé maka iha konsorsiu posu sira Greater Sunrise, iha Tasi Timor.

Ba valor total bele adisiona tan millaun 300 ba sosa partisipasaun Shell nian iha konsorsiu ne'ebé hanesan.

Maski inklui valor ne'e iha operasaun ConocoPhilips iha OJE, estratejia Governu nian pasa hodi tenta hasai montante ne'e diretamente hosi Fundu Petroliferu hanesan investimentu. Iha fulan Novembru, Parlamentu aprova posibilidade ne'e no lei ne'e analiza hela hosi Lu-Olo.

Globalmente, no se dolares billiaun 1,8 ne'e mantein, Governu timoroan sei levanta dolares billiaun 1,5 hosi Fundu Petroliferu iha tinan 2019, ne'ebé maka reprezenta billiaun resin liu rendimentu sustentavel.

Levantamentu ne'e nesesariu hodi kompensa défise fiskal laos petroliferu OJE nian.

Dokumentu ne'e prevé katak Estadu sei iha reseita sira ho total besik dolares billiaun 1,3 iha tinan 2019, ne'ebé maka besik millaun 963 hosi petrolifera, koresponde iha konkretu millaun 343,4 impostu sira relasionadu ho esplorasaun petrolifera sira no juru sira hosi Fundu Petroliferu ho millaun 619,7.

Reseita sira laos petrolifera hamutuk millaun 189,3, ne'ebé maka millaun 61,6 iha impostu diretu sira, millaun 74,2 iha impostu indiretu sira no restu iha taxa no enkargu sira.

Proposta lei ne'e fixa limite másimu iha ho valor dolares millaun 87 iha endividamentu publiku hodi hatan bá "nesesidade finansiamentu sira relasionadu ho konstrusaun infraestrutura estratejika sira ba dezenvolvimentu nasuan nian".

Kontas Publika sira ba tinan oin prevé gastu ida ho valor millaun 214 iha salariu no vensimentu sira, millaun 478,3 iha bens no serbisu sira, millaun 705,1 iha transferénsia publika sira, millaun 400 ba kapital dezenvolvimentu no millaun 29,4 iha kapital menor.

Défise fiskal laos petroliferu hamutuk dolares billaun 1,6, finansiadu besik billaun 1,5 hosi Fundu Petroliferu (FP), ne'ebé maka implika atu hasai besik 9% valor fundu nian ne'ebé maka iha final fulan Setembru, sae ba doalres billaun 17.

ho Lusa

 


Comentários

Critério de publicação de comentários