Pájina aktualizada iha 11:56h, domingu 20 Janeiru

Embaixada Portugal iha Dili klarifika duvida sira konabá pedidu nasionalidade

11 de Dezembro de 2018, 01:05

Embaixada Portugal nian iha Dili, fahe folletu ida hodi klarifika aspetu sira balun ne'ebé relasiona ho prosesu hodi hetan nasionalidade, no buka atu hatan ba duvida sira ne'ebé maka provoka protestu bebeik iha misaun diplomatika nian oin.


Folletu ne'e inklui ho resposta sira ne'ebé maka misaun diplomatika ne'e, konsidera pergunta sanulu resin ida ne'ebé maka frekuente liu relativamente ba pedidu nasionalidade sira ne'e, liu-liu iha faze sira hafoin aprezentasaun dokumentu sira nian.

Iha média, embaixada simu pedidu nasionalidade sira entre 30 no 60 kada loron, ho volume ne'ebé barak ba prosesu sira ne'ebé maka sei kontinua la iha desizaun hosi Lisboa.

Demora iha rezolusaun ba kazu sira ne'e - ne'ebé maka bele lori too tinan rua ka tolu - halo manifestasaun beibeik iha embaixada nian oin, ne'ebé maka timoroan sira impede, iha okaziaun oioin, tama no sai iha postu diplomatiku ne'ebá.

Maski ho postura sira ne'ebé agresivu, inklui mós baku rahun vidru sira embaixada nian, taka estada - ho joven sira balun tur tiha iha rai - no presaun ba funsionariu sira edifisiu nia, polisia demora oras barak atu too ba.

Protestu sira ne'ebé konvokadu liu hosi mensajen sira ne'ebé maka fahe iha platafomar sira hanesan Facebook no WhatsApp, barak ho informasaun falsa ne'ebé maka hatete katak prosesu sira ne'e prontu ona no bele foti ona.

Iha folletu ne'e embaixada esplika katak prosesu sira ne'e trata individualmente, obriga komprovasaun ida hosi dokumentu sira iha parokia sira na iha Rejistu Sivil no sei bele husu tan esklaresimentu balun.

Ida ne'e implika pedidu ida ne'ebé maka tama iha tinan 2017 "bele desididu uluk liu antez ida ne'ebé maka halo iha tinan 2015" ka pedidu rua ne'ebé maka hatama iha loron ida de'it, "bele mós ba maun-alin na'in rua, bele konklui iha data ne'ebé la hanesan".

Lista ne'e klarifika katak analize sira konabá pedidu sira ne'e la halo iha embaixada - ne'ebé maka simu, legaliza no haruka de'it dokumentu sira ne'e ba Portugal - ba Konservatoriu Rejistu Sentral iha Lisboa, ne'ebé maka iha kompeténsia eskluziva hodi fó nasionalidade.

Embaixada mós aplika iha Timor-Leste, dezde tinan 2015, konjuntu prosedimentu ida hodi tenta "kontrola fraude dokumental", inklui mós obrigatoriedade hodi verifika sertidaun batismu hamutuk ho parokia sira ka asentu sira nasimentu nian iha Rejistu Sivil.

"Iha prátika ne'e hanesan konfirma, iha livru asentu, dadu sira ne'ebé maka iha sertidaun sira ne'ebé aprezenta", refere nota, no subliña katak prosedimentu maka hanesan ne'e ba pedidu sira ne'ebé halo iha embaixada, ka diretamente iha Konservatoriu Rejistu Sentrais iha Lisboa ka liu hosi prokurador.

Prosesu ida ne'ebé maka presiza rekursu umanu barak embaixada nian, ne'ebé maka tenki vizita parokia ida-idak besik 50 resin nasaun nian - iha kazu barak rejistu sira Igreja nian maka sira ne'ebé salva hafoin referendu tinan 1999.

Iha kazu sira balun ne'ebé maka pedidu sira halo hafoin sira halo tiha ona vizita ba parokia - ba prosesu sira seluk - ka ne'ebé maka la konsegue hetan rejistu, tanba salah iha identifikasaun sertidaun nian ka tanba rejistu orijinal lakon tiha ka hetan estragu.

"Buat sira ne'e hotu sei esplika iha Konservatoriu Rejistus Sentrais no ami sei kontinua tenta hodi hetan solusaun ida", esplika dokumentu ne'e. Karik iha diverjénsia iha dadu sira, embaixada bele husu klarifikasaun ka dokumentu adisional balun ba rekerente sira.

Embaixa rekorda katak se maka hakarak hatene dadu sira konabá sira nian prosesu tenki kontaktu misaun diplomatika, no admiti katak "bele demora tempu barak", sem avansu iha kazu sira ne'ebé maka kontinua "iha análize" too "desizaun final ida".

Kada rekerente ida sei hetan notifikasaun "individual liu hosi email ka telefone, ba kada avansu iha prosesu", tanba ne'e "la presiza ba too iha embaixada karik la konvokadu".

No ikus liu, testu ne'e klarifika katak lista ba naran sira ne'ebé maka agora hahú fixa iha odamatan embaixada nian hatan ba protestu balun hosi utente sira.

Ne'e trata de'it ba "lista atendimentu" sira ne'ebé maka marka tiha ona ba loron ne'e ho utente sira nian naran ne'ebé maka bolu hodi ba esklaresimentu ka hodi hahú prosesu, no ida ne'e katak "ema sira iha lista ne'e seidauk iha nasionalidade portugueza".

Nasionalidade portugueza ne'e asesivel ba naran timoroan ida ne'ebé maka moris too iha loron 19 Maiu 2002, véspera ba loron ne'ebé maka Timor-Leste restaura sira nian independénsia no husik, formalmente, hanesan "teritoriu ida laos autogovernadu sob administrasaun portugueza".

ho Lusa

 


Comentários

Critério de publicação de comentários