Pájina aktualizada iha 04:26h, tersa-feira 20 Marsu

Tribunal Europeu desidi katak Reinu Unidu bele anula unilateralmente desizaun atu sai hosi UE

11 de Dezembro de 2018, 01:39

Tribunal Justisa Uniaun Europeia nian (TJUE) deside iha loron-segunda ne'e katak Reinu Unidu iha kapasidade hodi kansela ho forma unilateral desizaun hodi sai hosi Uniaun Europeia.


Desizaun tribunal nian, ho sede iha Luxemburgu, anunsia iha loron ida antes loron prevista ba votasaun akordu Uniaun Europeia nian (UE) konabá saida Reinu Unidu nian hosi bloku europeu iha Parlamentu britániku, ne'ebé maka primeira-ministra, Theresa May, la garante apoiu ne'ebé nesesariu hodi aprova.

"Reinu Unidu livre hodi revoga unilateralmente notifikasaun ninian intensaun hodi sai hosi Uniaun Europeia", tuir akordu ho TJUE.

"Revogasaun ne'e, deside ho akordu ho ninian regra konstiusional sira rasik, lori Reinu Unidu hodi nafatin iha Uniaun iha termu sira inalteradu konabá ninian estatutu Estadu-membru nian", nia akresenta.

Tribunal Justisa tuir pareser Advogadu-Jeral Tribunal nian, ne'ebé emite iha loron 04 Dezembru.

Tuir TJUE, Reinu Unidu bele nega unilateralmente ba 'Brexit' "too akordu ida retirada nian (..) tama iha vigor ka, iha auzénsia akordu ne'e nian, dezde periodu tinan rua nian liu hosi notifikasaun intensaun hodi sai hosi Uniaun Europeia, karik adia mós la espira", ne'e katak, too loron 29 Marsu 2019, data prevista saida britaniku sira nian.

Revogasaun ne'e "tenki desidi iha final prosesu demokratiku ida tuir regra sira konstitusional" Reinu Unidu nian, akresenta Tribunal.

Iha ninian opiniaun, impede Londres hodi rekuza ba 'Brexit' "ne'e sei sai kontrariu ba objetivu tratadu sira hodi kria uniaun ida ne'ebé maka klot entre povu Europa sira".

Desizaun ne'e enkoraja britaniku sira ne'ebé maka hein katak Reinu Unidu bele deziste hodi sai hosi UE.

Kestaun ba revogasaun desizaun 'Brexit' nian ne'e submete ba TJUE iha kontestuba prosesu ida hosi politiku eskosez sira, ne'ebé maka fiar katak Parlamentu Reinu Unidu nian bele revete prosesu ne'ebé hahú ho ativasaun "artigu 50" nian.

Artigu tratadu UE nian maka permite katak Estadu-Membru ida notifika Konsellu Europeu ninian vontade hodi husik Uniaun no define etapa sira ba prosedimentu ne'e.

Fulan sia hafoin referendu ne'ebé maka hatudu ba saida nian, no dahuluk iha istoria konstrusaun europeia nian, artigu ne'e ativadu hosi Reinu Unidu iha loron 29 Marsu 2017, no halao prosesu ofisial ida ba saida ne'e hodi konklui iha tinan rua.

ho Lusa

 


Comentários

Critério de publicação de comentários