Pájina aktualizada iha 11:56h, domingu 20 Janeiru

Prezidente timoroan veta polémika alterasaun lei operasaun petrolifera nian

12 de Dezembro de 2018, 01:23

Prezidente timoroan anunsia iha loron-tersa ne'e konjuntu polemika ida alterasaun ba lei operasaun petrolifera ne'ebé maka serve hodi finansia sosa partisipasaun maioritaria iha konsorsiu posu Greater Sunrise nian.


"Iha ha'u nian kualidade nu'udar Prezidente Republika nian ha'u hakrak anunsia ha'u nian vetu ba dekretu", hatete Francisco Gusterres Lu-Olo iha deklarasaun ida ba jornalista sira, no la iha direitu ba pergunta, iha Palasiu Prezidensial iha Dili.

Iha kauza iha, no mós mudansa sira seluk, fin ba limite 20% ba partisipasaun másima ne'ebé maka Estadu bele hetan iha operasaun petrolifera sira no introdusaun ba exesaun ida ba rejime vistu préviu Kámara de Kontas nian.

Objetivu maka permiti katak Estadu konkretiza liuhosi petrolifera Timor Gap, sosa ho montanter dolares millaun 300 ba partisipasaun ConocoPhilips nian no millaun 300 ba partisipasaun Shell nian iha konsorsiu Greater Sunrise, ne'ebé maka bainhira operasaun ne'e konkretiza, Timor-Leste sei hetan maioria ho 56,56%.

Lu-Olo aprezenta motivu lima hodi justifika desizaun ne'e, no kestiona konabá aspetu sira maka hanesan hasai tiha vistu préviu Kámara de Konta nian, retroatividade alterasaun proposta sira la falta informasaun no koñesimentu deputadu sira nian bainhira vota ba mudansa sira ne'e.

Xefe Estadu nota mós katak vontade hodi "evita exsesu alargamentu politika sira no regra investimentu diretu hosi Fundu Petroliferu" (FP), ho alterasaun sira ne'ebé bele "desvitua ka halo fraku diferensa entre ativu finanseiru na patrimoniais sira seluk".

"Se ha'u promulga, ne'e signifika katak ha'u permiti duplikasaun ida ba meiu finansiamentu operasaun petrolifera sira no operasaun sira seluk, ne'ebé maka bele benefisia diretamente osan FP nian no mós hosi OJE nian", nia afirma.

Entre argumentu sira, Lu-olo defende katak politika lejislativa tenkiser "klaru no dinámika", maibé "prudente no transparente" no "haforsa pratika di'ak ba kontrolu jurisdisional administrativu préviu".

Nia subliña, aspetu importante ida maka, hodi "evita Estadu hodi simu fali kompromisu sira ne'ebé todan ne'ebé maka tenki iha vistu préviu abanbainrua no ne'ebé maka bele evita kedas agroa".

"Auzénsia ba vistu préviu ne'e permite katak akontese situasaun sira, tanba la iha fiskalizasaun préviu, ne'ebé lori órgaun soberanu sira hodi deside aplikasuan retroativa ba diploma lejislativu sira hodi valida aktu ka kontratu sira balun", nia hatete.

Kestaun fundamental ida maka retroatividade, tanba alterasaun sira ne'e aprezenta tiha ona hafoin maka anunsia operasaun ba sosa nian no la iha esplikasuan konabá oinsá fó iha momentu ne'ebé maka mudansa sira aprezenta.

"Prezidente hein katak sei la kria tan situasuan sira hanesan ne'e tanba ne'e obriga parlamentu halo lejislasaun ho karáter retroativu, hodi valida ka fó juridisidade ba aktu ka faktu sira ne'ebé deputadu sira rasik la iha koñesiemntu klean iha momentu foti desizaun, karik sira la iha asesu ba fonte dokmental orijinal ka kopia sira ruma, durante halao debate sira ne'e, ne'ebé maka implika prudénsia iha desizaun konabá faktu konsumadu ruma.

Proposta alterasuan nian estebele retroatividade ia loron 27 Setembru - hodi permiti sosa Conoco nian - "maski iha ninian preámbulu ka iha ninian espozisaun motivu nian la fó fundamentasaun ba efeitu ne'e" no artikuladu ne'e "la espesifika tipu aktu ka kontratu sira, direitu ka interese sira no situasaun ne'ebé maka aplika retroatividade ne'e".

"Xefe Estadu ne'e insisti iha nesesidade hodi respeita nivel sira Rendimentu Sustentavel Estimadu (RSE) ba levantamentu FFP nian no konsidera katak ne'e la justifika hodi muda lei atividade petrolifera hodi "atinji" lei FP nian.

No nia hanoin mós katak dezde tinan 2015 Parlamentu Nasional levanta billaun 11,5 resin hosi FP, no ne'ebé maka billaun 6,9 koresponde ba RSE no billaun 4,5 levanta liu tiha hosi RSE.

"Levanta hosi FP valor sira as liu 58,8% hosi SER, ne'ebé maka dezde tinan 2009 levantamentu anual sira hamutuk 70% ass hosi SER", nia hatete, no konsidera katak pratika ne'e "kontra filozofia" fundu ne'e rasik.

Lu-Olo defende mós katak primazia lei nian tenki respeita hanesan mós ho "prosedimentu sira interdependénsia funsional entre instituisaun sira", ne'ebé maka "halo konsulta públika prévia, fakulta informasaun no asegura responsabilizasaun" dezde inisiu ba toba desizaun nian.

Konstituisaun timoroan nian prevé katak karik vetu prezidénsial diploma ne'e tenki apresia fila fali ho Parlamentu Nasional ne'ebé maka iha loron sianulu hodi konfirma ho maioria absoluta, hafoin ne'e fó fila fali ba prezidente ne'ebé maka iha obrigasaun hodi promulga iha loron ualu.

Testu konstitusional ne'e ezije maioria 2/3 iha tema barak inklui mós "politika fiskal" no "rejime orsamental".

ho Lusa

 


Comentários

Critério de publicação de comentários