Pájina aktualizada iha 04:20h, tersa-feira 20 Marsu

Parlamentu timoroan aprova ho maioria Orsamentu Jeral Estadu nian ba tinan 2019

12 de Dezembro de 2018, 21:15

Parlamentu Nasional timoroan aprova iha loron-kuarta ne'e, iha jeneralidade, Orsamentu Jeral Estadu nian (OJE) ba tinan 2019, ho votu favoravel hosi bankada koligasaun sira Governu nian no votu kontra hosi forsa boot opozisaun nian.


Konta publika sira ne'ebé maka ass ne'e, hetan votu a favor 40 no kontra 25.

Testu ne'e aprovadu ho votu kontra sira hosi partidu boot opozisaun nian, Fretilin, ne'ebé maka kestiona prioridade sira investimentu publiku sira, liu-liu aposta ne'ebé boot liu iha infraestrutura no projetu boot sira no kiik iha área hanesan edukasuan no saude.

Diploma ne'e sei hahú debate ba espesialidade iha loron-kuarta ne'e, ne'ebé maka fó ona entrada proposta alterasaun sira hamutuk 130 ba dokumentu Governu nian.

Iha faze ne'e maka valor total sei aumenta hodi inklui millaun 300 ba akordu sosa partisipasun Shell nian iha konsorsiu Greater Sunrise nian.

Maski seidauk inklui millaun 300 ne'e, konta publika timoroan sira nian ba tinan 2019 hanesan orsamentu daruak ne'ebé aas, sa'e besik dolares billaun 1,8.

Inklui mós millaun 350 ba Ministeriu Petroliferu no Minerais hodi konkretiza, liuhosi petrolifera nasional Timor Gap, sosa 30% partisipasaun ne'ebé maka empreza ConocoPhilips nian iha konsorsiu posu sira Greater Sunrise nian, iha Tasi Timor.

Globalmente, ho aumentu ba dolares billaun 2,1, Governu timoroan sei levanta besik dolares billaun 1,8 hosi Fundu Petroliferu iha tinan 2019, ne'ebé maka reprezenta billaun 1,3 resin ass liu hosi rendimentu sustentavel.

Levantamentu ne'e nesesariu hodi kompensa défise fiskal laos petrolifera OJE nian.

Dokumentu ne'e prevé katak Estadu iha reseita total hamutuk besik dolares billaun 1,3 iha tinan 2019, ne'ené maka besik millaun 963 hosi petrolifera, koresponde iha partikular millaun 343,3 impostu sira relasionadu ho esplirasun petrolifera no millaun 619,7 hosi juru sira Fundu Petroliferu nian.

Reseita sira laos petrolifera hamutuk millaun 189,3, no ne'ebé maka millaun 61,6 iha impostu diretu sira, millaun 74,2 iha impostu indiretu sira no sira seluk iha taxa no enkargu sira.

Proposta lei ne'e fixa limite másimu ida ho valor dolares millaun 87 iha endividamentu publiku hodi hatan ba "nesesidade finansiamentu sira ne'ebé relasiona ho konstrusaun infraestrutura estratejika sira nian ba dezenvolvimentu nasaun nian".

Konta publika sira ba tinan oin prevé gastu hamutuk millaun 214 iha salariu no vensimentu, millaun 478,3 iha bens no sebisu, millaun 705,1 iha transferénsia publika sira (no ne'ebé maka sei soma millaun 300 ba Shell), millaun 400 ba kapital dezenvolvimentu no millaun 29,4 iha kapital menor.

Défise fiskal laos petroliferu hamutuk besik dolares billaun 1,6, finansiadu besik billaun 1,5 hosi fundu Petroliferu (FP), ne'ebé maka implika hasai besik 9% hosi valor fundu nian, ne'ebé maka iha final fulan Setembru sae ba dolares billaun 17 resin.

ho Lusa

 


Comentários

Critério de publicação de comentários