Pájina aktualizada iha 19:58h, segunda-feira 17 Juñu

Asosiasaun hakarak kompañia eletrisidade hanesan empreza publika hodi hadiak jestaun

12 de Dezembro de 2018, 23:17

Asosiasaun Defeza Konsumidor sira Timor-Leste nian (ATC) defende iha loron-kuarta ne'e transformasaun lalais kompañia eletrisidade nasaun nian iha empreza publika hodi ajuda rezolve problema sira jestaun rede eletrika nian.


Prezidente ATC, António Ramos, esplika katak kestaun jestaun nian ne'e identifikada hanesan problema ne'ebé boot ne'ebé afeta atividade ne'e, iha reuniaun ho diretor-jeral Etetrisidade Timor-Leste nian (EDTL), Vírgilio de Fátima Guterres, tuir komunikadu ida ne'ebé maka haruka ba ajénsia Lusa.

"EDTL funsiona hanesan de'it departamentu ida Governu nian, ho jestaun sentralizada iha Ministeriu Finansas. Hosi pontu de vista prátiku, ida ne'e prejudika jestaun interna", nia indika.

Ramos hatete katak konvokasaun ba reuniaun ho EDTL ne'e tanba hetan kesar barak hosi konsumidor sira iha parte barak iha kapital Dian, hafoin ahi mate bebeik no dalaruma iha oras barak nian laran.

Alterasaun ba potensia sira kontinua halo problema sira iha ekipamentu ba empreza barak, no mós ba partikulares sira.

Iha semana ikus liubá ne'e, situasaun ne'e agrava liu tan tanba ho tempu ne'ebé la di'ak, ne'ebé maka halo ai balun monu, baixada ilegal sira no problema iha ligasaunsira iha zona balun.

"Solusaun ba problema maka transforma EDTL iha empreza publika (EP). Atu nune'e, bele rezolve problema jestaun interna nian", hatete Ramos.

"Iha parte seluk, bele satifaz konsumidor sira no bele rentabiliza empreza liu hosi aumentu reseita sira ba Estadu", nia subliña.

Ramos defende mós asinatura ba protokolu kooperasaun ida ho EDP Portugal nian hodi fortalese koñesimentu tékniku no jestaun emprezarial.

ho Lusa

 


Comentários

Critério de publicação de comentários