Pájina aktualizada iha 04:24h, tersa-feira 20 Marsu

Parlamentu britániku sei vota akordu 'Brexit' nian iha fulan Janeiru

14 de Dezembro de 2018, 01:42

Parlamentu britániku sei vota iha fulan janeiru ba akordu 'Brexit', ne'ebé maka negosiadu entre Reinu Unidu no Uniaun Europeia (UE), hafoin adia tiha votasaun ne'ebé markada ba semana ne'e, anunsia Governu britániku iha loron-kinta ne'e.


Votasaun sei realiza hafoin retoma parlamentar, prevista ba loron 07 Janeiru , no antes prazu limite loron 21 Janeiru, ne'eb´maka definidu tiha ona hosi ezekutivu.

Deputadu barak maka ejize katak akordu ne'e tenki vota iha semana oin - antes pauza parlamentar ba époka festa nian, ne'ebé maka hahú loron 21 Dezembru -, maibé votasaun la konsta iha ajenda ne'ebé publika iha Twitter hosi responsavel relasaun governu nian ho parlamentu, Andrea Leadsom.

Iha prespetiva ba grave frakasu, primeira-ministra británika, Theresa May, anunsia iha loron-segunda adiamentu votasaun akoradu nian, ne'ebé ajenda tiha ona ba loron-tersa iha Kámara Komuns.

Theresa May promete tiha ona ba deputadu sira katak votasaun sei halao antes loron 21 Janeiru.

Primeira-ministra - ne'ebé maka defende iha loron-kuarta ne'e votu sensura hosi ninian partidu Konservador - sei koalia iha loron-segunda iha Kámara dos Komuns, hafoin partisipa iha simeira europeia iha loron-kinta no loron-sesta, ne'ebé maka nia tenta hetan garantia hosi lider europeu sira ba "akordu Brexit bele satisfaz Parlamentu britániku".

Iha partikular, nia hakarak asegura solusaun hodi salvaguarda ba Irlanda Norte, ne'ebé maka koñesidu ho 'backstop', hanesan medida temporaria ida.

Dispozisaun ne'e prevé, hanesan rekursu ikus, hodi mantein Reinu Unidu iha uniaun aduaneira ho UE hodi evita regresu bafronteira dura ida iha illa Irlanda nian.

Lider opozisaun británika nian, traballista Jeremy Corbyn, defende iha loron-kuarta ne'e katak Theresa May tenki submete ninian akordu ba aprovasaun parlamentu nian iha semana oin.

ho Lusa

 


Comentários

Critério de publicação de comentários