Pájina aktualizada iha 04:44h, tersa-feira 20 Marsu

Tensaun politika halo divizaun iha Timor-Leste

15 de Dezembro de 2018, 00:20

Iha Timor-Leste tinan 2018 ne'e hotu ho aspetu oioin, hanesan mós ho hahú: ho inserteza politika no kontrasaun ekonómika ida ne'ebé maka hafoin eleisaun entesipada no vitoria ba koligasaun maioritaria, nakonu ho inserteza.


Partilla ne'ebé difisil entre Prezidente Republika ho Parlamentu Nasional mantén nafatin, ne'ebé maka seidauk rezolve impase politiku boot ba tomada pose ba membru na'in sia ne'ebé Governu indijita maibé seidak asume funsaun.

Primeiru-ministru, Taur Matan Ruak, hatete katak nia lori Governu ne'e hanesan kareta la iha roda no remete rezolusaun problema ne'e ba xefe Estadu, Francisco Guterres Lu-Olo, ne'ebé maka mantein niniain pozisaun hodi la fó pose.

Pasta balun ne'ebé importante la iha titular dezde eleisaun - inklui mós Finansas, Ekonomia, Saúde, Petroleu no Mineiras no Ineterior - no Congresso Nacional da Reconstrução Timorense (CNRT), partidu Aliansa Mudansa ba Progresu (AMP)- koligasaun Governu nian - kontinua la iha membru iha ezekutivu ne'e.

Tinan ne'e hahú ho tensaun politika entre VII Governu minoritariu ho forsa parlamentar sira ne'ebé maka kandidata fali ho konjuntu ho AMP - CNRT, Patidu Libertasaun Popular (PLP) no Kmanek Haburas Unidade Nacional Timor Oan (KHUNTO).

Forsa blokeiu ida ne'ebé maka halo Governu la iha programa ne'ebé aprovadu no nasaun sem orsamentu, hodi nune'e hahú periodu ne'ebé maka prolonga too fulan Setembru ho kontas mínimu - nem gasta tan valor previstu duodésimu nian - no ekonomia nasaun nian fraku.

Situasaun ne'e halo Lu-Olo disolve parlamentu no konvoka eleisaun antesipada. Kampaña sira ne'e violenta los verbalmente ne'ebé maka iha Timor-Leste nian memória, asentua liu entre forsa partidaria sira.

Maioria AMP nian manan, maibé partilla ho Lu-Olo maka komplikada. Xefe Estadu aprova OJE tinan 2018 (iha fulan setembru), maibé veta tiha diploma ida ne'ebé mka importante ba Governu ne'ebé maka pretende altera lei atividade petrolifera nian hodi konkretiza sosa partisipasaun maioritaria (ConocoPhilips no Shell) ho dolares millaun 650 iha konsorsiu Greater Sunrise nian.

Governu hakarakm inklui sosa ne'e iha orsamentu ba tinan 2019 - ne'ebé maka sei debate hela no só aprova iha véspera natal nian - ne'ebé maka halo antesipasaun ida katak nasaun bele hahú fali - iha tempu ne'ebé ituan nian laran - fali ba duodésimu.

Timor-Leste kompleta pratikamente tinan rua resesaun nian ho ezekusaun ne'ebé ituan hosi estadu - motor boot ekonomia nian - no rekua fali indikador sira hotu, kondisionadu tantu ba emprezariu nasional sira no mós internasional sira.

Empreza sira koalia iha faturasaun sira ne'ebé tuun entre 30% - 50%, emprezariu timoroan sira hatete katak ne'e iha relasaun ho dolares millaun ne'ebé maka Governu, seidauk iha ministru sira, hodi ezekuta OJE tinan ne'e nian.

Hanesan ne'e mós inserteza ekonómika sira permanese hela, ho emprezariu esplika katak retoma ne'e la lao no se maka simu osan no rai osan ne'e perante inserteza sira ba saida maka bele akontese iha tinan 2019.

Sosa kampu petroliferu Greater Sunrise ne'e sai hanesan notisia ekonomika ho dimensaun ne'ebé boot, maibé projetu sira seluk kontinua ho problema.

Atrazu iha salariu no pagamentu ba fornesedor sira - ne'ebé maka iha momntu balun tinan ne'e nian tau iha risku até fornesimentu elétriku - hanesan tónika ida ne'ebé maka domina liu.

Tinan ida ne'e nakonu ho dezafiu no ne'ebé maka kalma sai hanesan uniku sinal pozitivu ne'ebé perdomenante ho populasaun sira ne'ebé maka enfrenta dezafiu politiku boot besik dekada ida ona, maibé la rejista konfrontu sira ne'ebé grave, kontrariu ho saida maka akontese tiha ona iha pasadu ho mementu sira ne'ebé maka hanesan.

ho Lusa

 


Comentários

Critério de publicação de comentários