Pájina aktualizada iha 04:24h, tersa-feira 20 Marsu

Xefe diplomasia timoroan nian desdramatiza momentu tensaun politika iha nasaun

19 de Dezembro de 2018, 01:50

Ministru Negosiu Estranjeiru timoroan desdramatiza iha loron-tersa ne'e notisia konabá tensaun entre Governu, Parlamentu no Prezidente Republika, no hatudu mós katak lider sira hotu nasaun nian hatene rezolve situasaun politika.


"Ami atravessa hela ezersisiu okorénsia demokratika ne'ebé la iha presedente no mai ami ida ne'e hanesan ezersisiu ne'ebé maka kada orgaun soberania ezerse hela", hatete Dionísio Babo ba Lusa.

"Maski iha diferensa, orgaun soberania hotu-hotu hatene katak interese nasaun nian tenki tau uluk liu buat hotu. Ita sei ultrapasa situasaun ne'e sem problema", nia subliña.

Babo reaje nune'e konabá tensaun entre parlamentu, Governu no Prezidénsia Republika, hafoin xefe Estadu, Francisco Guterres Lu-Olo, veta tiha konjuntu polémika sira konabá alterasaun ba lei operasaun petrolifera nian ne'ebé maka atu finansia sosa partisipasaun maioritaria iha konsorsiu posu sira Greater Sunrise, iha Tasi Timor.

Desizaun ne'e provoka kritika hosi Xanana Gusmão ne'ebé maka, iha Governu nian naran lidera negosiasaun sira ba operasaun no xefia koligasaun Governu nian, Aliansa Mudansa ba Progresu (AMP).

Iha rede sosial sira, inklui mós pajina ofisial sira AMP nian iha Facebook, repete kritika barak ho ema balun ne'ebé maka defende ezonerasaun xefe Estadu nian.

Situasaun ne'e tensa tanba dezde tomada pose VIII Governu, Lu-Olo seidauk fó pose ba membru na'in sia ezekutivu indijitadu hosi primeiru-ministru.

"Ha'u hatene katak lider sira hotu hatene katak buat sira ne'e laos simples hanesan ita hare iha rede sosial sira ka iha debate iha 'media' sira. Ha'u sente katak hotu-hotu sei buka meius hodi rezolve diferensa no problema sira. Maibé la iha buat ida maka labele ka imposivel atu rezolve", afirma Babo.

Agora daudaun ne'e, inkógnita boot ida maka la hatene se Lu-Olo sei promulga Orsamentu Jeral Estadu nian (OJE) tinan 2019, ne'ebé maka debate hela iha Parlamentu, no karik sei aprova antes Natal.

ho Lusa

 


Comentários

Critério de publicação de comentários