Pájina aktualizada iha 04:24h, tersa-feira 20 Marsu

Vulkaun ida hosi sira barak ne'ebé ativu liu Papua New Guine nian tama iha erupsaun

09 de Janeiro de 2019, 01:49

Vulkaun ida hosi sira barak ne'ebé maka ativu liu iha papua New Guine, Manam, tama iha erupsaun, projeta roxas vulkánika sira too iha aldeia ida ne'ebé besik, informa autoridade sira iha loron-tersa ne'e.


Illa Manam hanesan kone vulkaniku ne'ebé maka eleva metru 1.8000 resin iha tasi Bismark, iha norte illa prinsipal Papua New Guine nian.

Erupsaun ikus no boot okore iha fulan Novembru 2004 no obriga hasai ema hamutuk na'in rihun sia resin. Vulkaun ne'e komesa hasai suar no sinza iha fulan Dezembru.

Rai-nakdoko sira ne'ebé rejista besik iha Manam halo alerta ida iha loron-segunda ne'e bo erupsaun hahú kedan hafoin ida ne'e, indika iha loron-tersa ne'e Observatoriu Vulkanolojia Rabaul nian.

Erupsaun ne'e iha orijen iha kratera prinsipal no lava suli ba vale ida ne'ebé besik iha ne'eba, ho projesaun intermitente ba fatuk vulkanika sira ba aldeia sira ne'ebé besik, tuir pájina iha Internet Loop PNG, ne'ebé maka sita Observatoriu ne'e.

Lokalizada iha pontu enkontru plaka tektonika rua nian, Papua New Guine rejista hela atividade vulkanika ida ne'ebé intensa.

Jornal The National fó sai notisia katak morador Manam sira nian balun hasai tiha hosi ne'ebé iha tinan 15 liubá fila fali ba illa ne'e, maski iha risku sira ne'e, tanba adaptasaun iha fatin sira ne'ebé sira ba ne'e.

ho Lusa

 


Comentários

Critério de publicação de comentários