Pájina aktualizada iha 04:26h, tersa-feira 20 Marsu

Parlamentu timroan aprova fila fali alterasaun sira ne'ebé veta hosi Prezidente Republika

11 de Janeiro de 2019, 00:13

Parlamentu Nasional timoroan aprova fila fali iha loron-kinta ne'e, perante auzénsia hosi bankada boot opozisaun nian, konjuntu ba polemika barak alterasaun ba lei operasaun petrolifera, ne'ebé veta hosi Prezidente Republika, ne'ebé maka agora tenki promulga.


Iha kauza, iha mudansa barak, no fin ba limite 20% ba partisipasuan másima ne'ebé maka Estadu bele hetan iha operasaun petrolifera no introdusaun ba exesaun ida ba rejime ba vistu previu Kámara Kontas nian.

Objetivu maka atu permiti Estadu konkretiza, liuhosi petrolifera Timor Gap, sosa partisipasaun ConocoPhilips ho valor dolares millaun 350 no partisipasaun Shell nian ho valor dolares millaun 300 iha konsorsiu Greater Sunrise nian ne'ebé maka, bainhira operasaun ne'e konkretiza duni, Timor-Leste maka sei iha maioria ida ho 56,56%.

Alterasaun sira ne'e veta tiha hosi Prezidente Republika, Francisco Guterres Lu-Olo, no reapresia fali iha loron-kinta ne'e iha plenaria estraordinaria ida, ne'ebé maka bankada Frente Revolusionaria Timor-Leste nian (FRETILIN) desidi la partisipa.

Mudansa sira reaprovada fali ho votu 41 a favor no ida de'it maka kontra, hosi deputadu Adriano do Nascimento (Partidu Demokratiku), ne'ebé maka iha ninian deklarasaun votu nian nia hatete katak nia kontesta tanba hasai vistu previu Kámara Kontas nian.

Deputadu barak sira maka vota a favor defende sira nian desizaun tanba konsidera katak mudansa sira ne'e fó benefisiu ba Estadu timoroan, no haforsa soberania nasaun nian no kontrolu ba ninian rekursu rasik.

Altersaun sira sei haruka fila fali ba Prezidente Republika ne'ebé maka sei iha loron ualu hodi promulga.

ho Lusa

 


Comentários

Critério de publicação de comentários