Pájina aktualizada iha 11:56h, domingu 20 Janeiru

Lider Fretilin nian hakarak dezenvolvimentu "sustentavel" Greater Sunrise nian iha Tasi Timor

11 de Janeiro de 2019, 01:53

Lider Frente Revolusionariu Timor-Leste Independente (Fretilin), agora daudaun hanesan opozisaun, hatete iha loron-kinta ne'e katak ninian partidu apoia dezenvolvimentu ba posu sira Greater Sunrise iha Tasi Timor, maibé hakarak garante katak ho forma "sustentavel".


"Ami nian postura klaru tebes. Ami a favor ba dezenvolvimentu Greater Sunrise nian maibé ami a favor ba dezenvolvimentu sustentavel ne'ebé maka benefisia povu no labele prejudika povu", afirma Mari Alkatiri iha deklarasaun ba Lusa.

Lider Fretilin nian, ne'ebé maka iha maior bankada iha Parlamentu Nasional Timor-Leste nian, akuza Xanana Gusmão - lider Aliansa Mudansa ba Progresu (AMP), koligasaun Governu nian -, atu hakarak "manipula opiniaun publika" konabá asuntu ne'e.

Iha loron-tersa ne'e, iha parlamentu, negosiador Timor-Leste nian ba Tasi Timor, Xanana Gusmão, konsidera hanesan "interese Estadu nian" hodi sosa partisip+asaun maioritaria iha konsorsiu Grater Sunrise, no dezafia opozisaun hodi klarifika sira nian pozisaun.

"Ha'u hatete ba señor opozisaun sira: halo pergunta, hatete dehan apoia, maibé depois? Se la apoia, dehan halo klaru. Tenki klaru hodi ema hotu hatene", nia afirma.

Alkatiri insisti katak partidu nian pozisaun nafatin hela no nia hatete katak Xanana Gurmão -atualmente hanesan reprezentante Governu nian ba asuntu sira Tasi Timor nian - la klarifika duvida sira hotu konabá projetu ne'e, liu-liu konabá sosa partisipasaun maioritaria iha konsorsiu Grater Sunrise nian.

Lider Fretilin ne'e konsidera katak Xanana Gusmão uza konferénsia publika iha fulan Dezembru ho sesaun plenaria ida iha parlamentu, iha loron-tersa ne'e, "hodi halo kampaña", ho esplikasaun sira "mamuk ho rasionalidade, ho konteudu no pratikamentu propaganda".

"La hatan ba dúvida sira. Kontorna tiha asuntu ne'e no bainhira nian hare katak labele kontorna tan ona, nia reaje ho forma infantil hodi abandona parlamentu", nia hatete no refere ba saida Xanana Gusmão nian iha reta final debate nian.

"Ita asiste ba deklarasaun fé nian ida,ba aktus fé nian, hosi parte Xanana nian. Izentu hosi rasionlidade. Inzentu hosi lójika, no dook hosi realidade", nia afirma.

Alkatiri hatete katak sei kontinua ho duvida konabá "ezatamente ho saida maka atu sosa" ho kontratu akizisaun ba partisipasaun ConocoPhilips no Shell nian iha konsorsiu - ho valor dolares millaun 650 - no mós konabá viabilidade ekonomika no finanseira projetu nian.

"La klaru saida maka atu adkiri. Koalia konabá asaun sira, maibé ami nian pontu de vista ne'e konabá universalidade diretu nian, no partisipasaun sira ka patrimoniu", nia hatete.

"No se partisipasaun, entaun saida maka ita sosa ezatamente?", nian kestiona.

Sekretariu-jeral Fretilin nia kestiona mós faktu ne'ebé maka Xanana Gusmão no ninian ekipa sei kontinua la aprezenta estudu viabilidade sira ne'ebé maka sira dehan konabá projetu ne'e.

"Se maka hare ona estudu sira ne'e? Laos hatudu de'it kapa no livru bainhira koalia. Ha'u nu'udar lider partidu boot, iha opozisaun, no ha'u seiduak iha asesu ba estudu ida", nia afrima.

"Ha'u nian partidu la iha asesu, nem bainhira hau nu'udar primeiru-ministru (iha VII Governu Konstitusional)", nia lamenta.

Alkatiri hatete katak Xanana Gusmão (lider CNRT nian, partidu boot koligasaun Governu nian) atua ho "hanoin ona iha eleisaun no bele manan".

Konabá postura atual primeiru-minstru, Taur Matan Ruak - lider PLP nian, hanesan forsa daruak koligasaun ezekutivu ne'e nian - Alkatiri hatete katak xefe Governu ne'e iha hela "dilema ida".

"Haú lakoi kahur Taur Matan Ruak iha ne'e. Mandatu (ne'ebé fó ba Xanana Gusmão) hosi Konsellu Ministru no nia nu'udar primeiru-ministru, maibé ha'u sente nia iha situasaun difisil. Ne'ebé maka partidu ida ho deputadu na'in ualu no funsiona hanesan primeiru-ministru", nia argumentu.

"Enkuantu Prezidente Republika iha tiha pozisaun ida no agora parese iha fali dilema ida", nia afirma.

Alkatiri rejeita akuzasaun sira ne'ebé hatete katak nia presiona Prezidente Republika ba desizaun sira ne'ebé maka nia foti, inklui ho vetu iha fulan Dezembru ba alterasaun ba lei operasaun petrolifera nian - hodi fasilita sosa partisipasaun iha Greater Sunrise - ne'ebé maka ohin reaprovadu fali hosi parlamentu.

"Ne'e absolutamnete falsu. Sira la iha argumentu seluk. Prezidente Republika ema ida ne'ebé hatene saida maka nia halo no prova hosi ne'e maka enkuantu hau nu'udar primeiru-ministru, iha fulan sia nian laran nia veta dekretu-lei hat ha'u nian", nia hatete.

Konabá rekomendasaun saida maka nia husik ba xefe Estadu - ne'ebé maka apresia hela Orsamentu Jeral Estadu nian (OJE) ba tinan 2019 - Alkatiri hatete katak Prezidente sei desidi se "promulga ka veta" saida maka nia konsidera hanesan adekuadu liu, "tuir ninian apresiasaun ba OJE no situasaun ekonomika ho politika nasuan nian".

Husu konabá se nasaun ne'e sei aguenta ho tinan ida tan sem orsamnetu ka ho atual tensaun politika, Alkatiri hatan ho breve: "Sei aguenta hanesan mós aguenta ho OJE tanba Governu hatudu inkapasidade hodi ezekuta orsamentu".

Lider Fretilin ne'e hatete katak disponivel hodi dialogu konabá tema ne'e.

"Ami sempre abertu ba buat sira ne'e. Maibé laos dialogu entre diuk no mudu sira. Ami laos diuk ka mudu. No ami la fiar liu katak divina ser umanu ida", nia konsidera.

ho Lusa

 


Comentários

Critério de publicação de comentários