Pájina aktualizada iha 11:56h, domingu 20 Janeiru

Timor-Leste hakarak asina iha tempu badak nian laran programa kooperasaun foun ho Portugal

11 de Janeiro de 2019, 19:56

Ministro Negosiu Estranjeiru timoroan hatete iha loron-sesta ne'e ba ajénsia Lusa katak nia hein bele asina "iha tempu badak nian laran" Programa Estratejiku Kooperasaun foun (PEC) portugués ho Timor-Leste, ne'ebé maka analiza hela iha Lisboa.


"Ami diskuti ona kestaun ne'e durante tempu balun no, bazikamente, agora ami iha ona reta final prosesu ba akordu pakote kooperasaun ne'e", esplika Dionisio Babo.

"Ami nian proposta final haruka ona ba Portugal hodi bele analiza. Ami hein katak bele fila fali mai no hodi ami bele lori ba Konsellu Ministru hodi ba rezolusaun ida", nia afirma.

Iha fulan Outubru, durante vizita ida iha Dili, sekretaria Estadu Negosiu Estranjeiru no Kooperasaun portugueza, Teresa Ribeiro, hatete ba Lusa katak próximu PEC ho Timor-Leste sei ultrapasa euro millaun 42 no sei kontinua insidi liu iha setor edukativu.

"Ami halo aposta boot ida ba edukasaun iha Timor-Leste. Ne'e hanesan prioridade ida timor-Leste nian, ne'e eskolla ida hosi Timorr-Leste no Portugal hatan ba eskolla ne'e", nia hatete.

PEC foun ba periodu entre tinan 2019-2022, ne'ebé maka negoseia entre responsavel sira nasaun rua ne'e nian, substitui fali ida ne'ebé maka hotu tiha iha final tinan 2017 no alarga ba tinan ne'e tanba situasaun impase politiku iha Timor-Leste, ne'ebé maka iha tinan kotuk halao eleisaun antesipada.

Teresa Ribeiro esplika ba Lusa katak ida ne'ebé hotu iha tinan 2018 fofoun ne'e avaliadu ho montante euro millaun 42, no nian taxa ezekusaun nian sai 134%, iha parte tanba ninian estensaun iha tinan 2018.

ho Lusa

 


Comentários

Critério de publicação de comentários