Pájina aktualizada iha 08:07h, domingu 18 Agostu

Prezidente timoroan promulga alterasaun ba lei atividade petrolifera sira

17 de Janeiro de 2019, 21:24

Prezidente timoroan, Francisco Guterres Lu-Olo, promulga iha loron-kinta ne'e konjuntu alterasaun ida ba Lei Atividade Petrolifera nian, ne'ebé maka devolve hosi parlamentu hafoin vetu dahuluk nian ba mudansa sira.


Xefe Casa Sivil Prezidénsia nian, Francisco Vasconcelos, konfirma promulgasaun ne'e iha leitura deklarasaun ida ba jornalista sira sem direitu ba pergunta, iha Palasiu Prezidensial, iha Dili.

"Prezidente da Republika kumpri ho dever konstitusional ida, maibé la signifika katak promulgasaun ida ne'e hanesan ho sentidu polítiku ka jurídiku ne'ebé favoravel husi dekretu ne’e, no nune’e, promulgasaun ida ne’e sei la taka dalan ba fiskalizasaun abstrata konstitusionalidade no legalidade, iha termu sira ne'ebé maka previstu iha artigo 150° Konstituisaun Repúblika", nia subliña.

Iha kauza iha mós mudansa sira maka hanesan, fin ba limite 20% ba partisipasaun másima ne'ebé maka Estadu bele hetan iha operasaun petrolifera sira no introdusaun ba exesaun ida ba rejime vistu previu Kámara de Kontas nian.

Objetivu maka atu permiti Estadu konkretiza, liuhosi petrolifera Timor Gap, sosa partisipasaun ConocoPhilips ho valor dolares millaun 350 no partisipasaun Shell nian ho valor dolares millaun 300 iha konsorsiu Greater Sunrise nian ne'ebé maka, bainhira operasaun ne'e konkretiza duni, Timor-Leste maka sei iha maioria ida ho 56,56%.

Iha loron 13 Dezembru, Prezidente veta alterasaun sira, no devolve diploma ne'e ba fali parlamentu no ne'ebé maka aprova fila fali, ho votu a favor 41 no kontra ida, ho auzénsia hosi partidu boot iha asentu parlamentar, Fretilin [Frente Revolucionária de Timor-Leste Independente], na opozisaun.

Parlamentu devolve diploma ne'e ba Lu-Olo iha loron 10 Janeiru liubá.

Publikasaun testu nian iha Jornal Republika marka diploma ne'e tama iha vigor, ne'ebé maka sei aplika ho retroatividade hahú iha loron 27 Setembru, loron asinatura kontratu sosa partisipasaun ConocoPhilips nian.

ho Lusa

 


Comentários

Critério de publicação de comentários