Pájina aktualizada iha 23:49h, domingu 17 Fevereiru

PM timoroan hatete katak problema sira ho obra Portu Tibar nian sei rezolve

08 de Fevereiro de 2019, 20:00

Primeiru-ministru timoroan, Taur Matan Ruak, hatete iha loron-kinta ne'e katak "problema tekniku sira" ne'ebé maka permanese iha konstrusaun ba Portu foun Tibar nian, iha aredor Dili nian, sei ultrapasa no sei kumpri kalendariu obra nian.


Husu hosi Lusa konabá asuntu ne'e, xefe Governu nian ne'e hatete katak nian simu iha loron-kinta ne'e informasaun hosi ministru Estadu iha Prezidénsia Konsellu Ministru nian, Agio Pereira, katak "buat hotu lao ho di'ak hela".

"Iha problema tekniku sira balun, maibé buat hotu lao ho di'ak hela. Ha'u fiar katak sei ultrapasa hotu", nia hatete, no konfirma katak ne'e konabá kestaun sira relasiona ho pedreira, ho fatin envolvente, ho aspetu ambiental, no seluk-seluk tan.

"Maibé ha'u fiar katak sei ultrapasa hotu", nia hatete.

Fonte ne'ebé envolve iha projetu ne'e konfirma ba Lusa katak sei hein hela lisensa komersial no ambiental balun iha aspetu obra nian.

Ho durasaun ba konstrusaun tinan tolu nian, Portu Tibar nu'udar projetu boot dahuluk iha modelu parseria publiku-privada no projetu boot infraestrutura nian ne'ebé istoriku iha Timor-Leste.

Projetu ne'e iha "falsu aranke" dala barak, ne'ebé maka serimonia dahuluk lansamentu fatuk dahuluk nian halao iha fulan Juñu 2017, ho serimonia ne'ebé liderada hosi eis ministru Planeamentu no Investimentu Estratejiku nian, Xanana Gusmão, no responsavel sira konsorsiu nian lideradu hosi franseza Bolloré.

Kestaun sira relasiona ho finansiamentu, no subkontratasaun sira afeta tiha ba aranke projetu ne'e.

Serimonia lansamentu fatuk dahuluk nian halao iha loron 30 Agostu iha tinan kotuk, no ne'ebé maka hafoin tinan klaran obra sira ne'e pratikamente seidauk hahú.

Lokalizadu besik kilometru 10 hosi oeste Dili, iha baia Tibar nian, projetu ne'e konta ho partisipasaun International Finance Corporation (IFC), hosi grupu Banco Mundial nian.

Projetu ne'e inklui dezeñu, finansiamentu, konstrusaun no operasaun ba portu foun iha Tibar, estima katak obra sira ne'e sei hahú tinan oin no sei hotu iha tinan 2020.

Portu ne'e sei iha kapasidade inisial ho kontentor sira rihun 226 (TEU), ne'ebé maka sei estende too kapasidade ida ba millaun ida kada tinan, ho kais ida ho metru 330 no ida seluk ho metru 300, no operasaun portuaria sira sei hahú iha tinan 2020.

Faze dahuluk projetu ne'e nian (konstrusaun, ekipamentu no operasaun portu nian), avaliada ho valor dolares millaun 278,3, ho Governu timoroan finansia ho dolares millaun 129,45, no parseiru privadu sira ho millaun 148,85.

Iha faze daruak, iha ona esplorasaun nian, Bolloré prevé atu investe dolares millaun 211,7, iha parte boot mai hosi reseita atividade portuaria nian.

Bolloré kontrata ba konstrusaun projetu nian empreza publika xineza China Harbour.

ho Lusa

 


Comentários

Critério de publicação de comentários