Pájina aktualizada iha 23:05h, domingu 17 Fevereiru

PR timoroan kontesta aplikasaun direta Fundu Petrolifera nian iha operasaun petrolifera

11 de Fevereiro de 2019, 19:57

Prezidente timoroan kontesta iha loron-segunda ne'e aplikasaun direta hosi Fundu Petroliferu iha operasaun petrolifera sira, no levanta dúvida konabá opsaun Governu nian hodi konkretiza liu hosi metodu ba sosa partisipasaun maioritaria iha projetu Greater Sunrise.


"Parlamentu Nasional no Governu la hadi'ak situasaun ekonomika no finanseira ita nian nasaun nian, no la serve di'ak povu Timor-Leste, se sira fasilita aplikasaun direta Fundu Petroliferu iha investimentu ne'ebé la elejivel, maski iha operasaun petrolifera sira", afirma Francisco Guterres Lu-Olo, iha deklarasaun ida ba nasaun.

"Importante maka aplikasuan Fundu Petroliferu sira ne'e halo tuir kriteriu sira elejibilidade no rentabilidade nian ne'ebé maka estabelese hosi Lei Fundu Petroliferu nian. Ami la iha duvida katak ne'e kritiku ita aktua ho realismu ho sentidu protesaun ba ativu Fundu Petroliferu sira nian", nia hatete tan.

Lu-Olo mós hatete katak investimentu fundus publiku sira, "saida maka entende hosi aplikasuan direta sira iha abrigu Lei FP nian, sei realiza liu hosi OJE", Estadu maka tenki "asegura unidade no espesifikasaun" orsamentu nian.

"Estadu tenki asegura transparénsia no promove fiskalizasun jurisdisional administrativa ba reseita sira no gastu publiku sira, inklui mós investimentu ne'ebé uza rekursu finanseiru sira liu hosi FP", nia hatete.

Komentariu sira Lu-Olo nian ne'e mosu iha altura ida ne'ebé maka tekniku sira Governu nian prepara hela prosesu hodi konkretiza, ante loron 31 Marsu, ba sosa partisipasaun sira ConocoPhilips no shell nian iha konsorsiu Greater Sunrise nian, iha Tasi Timor.

Hamutuk dolares millaun 650 ba sosa ne'e - 350 ba Conoco no 300 ba Shell - ne'ebé maka fofoun inklui iha proposta lei Orsamentu Jeral Estadu nian (OJE) ba tinan 2019, ne'ebé maka veta tiha hosi Prezidente Republika.

Maibé hasai tiha hosi parlamentu bainhira sira halo reapresiasaun ba diploma ne'ebé maka Lu-Olo promulga iha semana kotuk, maski ho rezerva sira tanba konta publika sira.

Governu hatete katak bele hasai valor ne'e hosi OJE 2019 tanba operasaun ne'e bele konkretiza diretamente hosi Fundu Petrolifera liu hosi alterasaun ba Lei Atividade Petrolifera sira (LAP).

Alterasaun sira ne'e aprova hosi maioria parlamentu nian, no veta hosi Prezidente, reaprova fila fali hosi deputadu sira no promulga hosi xefe Estadu, ne'ebé maka opozisaun sira aprezenta pedidu ba fiskalizasaun konstitusionalidade ba mudansa sira.

Alterasaun sira ba LAP ne'e konabá "partisipasaun Estadu nian iha operasaun petrolifera sira", ne'ebé maka akresenta posibilidade ba partisipasaun ne'e bele halo "liu hosi entidade sira ne'ebé integralmente detida ga kontrolada hosi ema koletiva publika timoroan sira".

Husu iha semana kotuk hosi Lusa konabá operasaun, primeiru-ministru, Taur Matan Ruak, hatete ba Lusa katak tekniku sira prepara hela operasuan sira ne'ebé maka sei konkretiza "iha tempu ne'ebé previstu nian laran".

"Ha'u labele garante se halo rua ne'e dala ida de'it ka ida tiha mak ida fali", nian refere, sem fó detalle.

Vise-governador Banco Central timoroan nian, Venâncio Alves Maria, konfirma katak Lei Atividade Petrolifera sira permite sosa partisipasaun maioritaria iha Greater Sunrise liu hosi Fundu Petroliferu, no la fó detalle ba prosesu operasaun nian.

Maski sosa partisipasaun ConocoPhilips no Shell nian iha Greater Sunrise halo hosi Fundu Petroliferu, maibé jestaun ba partisipasaun maioritaria ne'e sei halo liu hosi petrolifera timoroan Timor Gap.

Anterior limite másimu 20% partisipasaun nian iha operasaun petrolifera sira "la aplikavel ba kazu sira ne'ebé maka partisipasaun Timor-Leste nian ka naran ema koletiva publika timoroan nian ida, inklui mós entidade sira entegralmente detida ka kontrolada hosi sira ne'e, rezulta tranzasaun komersial ida ka adjudiksaun ida iha termu sira lei nian".

Mudansa sira ba lei ne'e permite katak FP bele "aplika diretamente iha operasaun petrolifera sira iha teritoriu nasional ka iha estrajeiru, liu hosi selebrasaun tranzasaun komersial, hosi intermediu Timor Gap nian.

Esensial ba enkuadramentu legal ba prosesu ne'e maka lei Fundu Petroliferu nian rasik ne'ebé maka determina katak "laos 5% resin" FP nian besik aplika "ba investimentu ilejivel sira seluk".

Iha final tinan 2018 nian, saldu FP nian hamutuk dolares billaun 15,82, ne'ebé maka 5% hosi valor ne'ehamutuk besik dolares millaun 791.

ho Lusa

 


Comentários

Critério de publicação de comentários