Pájina aktualizada iha 11:50h, kuarta-feira 22 Maiu

Austrália ho Indonézia asina akordu komersial

04 de Março de 2019, 20:06

Indonézia ho Austrália asina ona, iha loron-segunda ne'e akordu komersial ida, ne'ebé nia konkluzaun adia ona tanba kontroversu iha desizaun hosi Canberra hodi transfere embaixada iha Israel ba Jeruzalen.


Hodi defende akordu milionáriu, kriasaun hosi karau ho karau australianu sei iha asesu boot ba merkadu indonéziu, ne'ebé nia populasaun ultrapasa ona millaun 260 resin.

Iha tempu hanesan, universidade australianu sira, profisional sira saúde ho mineiru sira sei bele tama ho fásil iha nasaun ne'ebé hanesan ekonomia boot hosi Sudeste Aziátiku.

Iha kompensasaun, indústria karreta sira nian ho téktil indonéziu sira, nune'e mós esportasaun ai nian, eletróniku ho ai-moruk sira bele tama fásil iha merkadu australianu.

Iha tinan 2017, komérsiu entre nasaun rua ne'e iha folin total dolar biliaun 11,7 (euro biliaun 10,3).

Ministru Komérsiu hosi Indonézia, Enggartiasto Lukita, ho nia homólogu australianu, Simon Birmingham, asina ona dokumentu iha Jakarta, iha serimónia ne'ebé hala'o iha loron-segunda dadeer.

"Asinatura hosi Akordu Parseria Ekonómiku Integral entre Indonézia ho Austrália hakbesik liután nasaun rua ne'e", deklara hosi ministru australianu.

Akordu ne'e tuir loloos asina antes final tinan 2018 maibé serimónia ne'e hetan blokeiu tanba transferénsia hosi embaixada Austrália nian iha Israel, hosi Telavive ba Jeruzalén.

Indonézia, nasaun musulmanu ne'ebé ho populasaun barak liu iha mundu, la konkorda ho desizaun australianu hodi muda embaixada. Iha fulan-Dezembru, Austrália rekoñese tuir dalan ofisial Jeruzalen hanesan kapital israelita, maibé, iha momentu ne'ebé, indika katak transferénsia hosi reprezentasaun diplomátiku sei depende hosi akordu dame ida anterior entre ema israelita sira ho ema palestinianu sira.

Israel konsidera sidade Jeruzalen hanesan kapital nasaun nian no ema palestinianu sira hakarak halo Jeruzalen Leste, ne'ebé foti hosi ema israelita sira iha tinan 1980, sai hanesan kapital hosi Estadu foun ida iha futuru.

Anexasaun ne'e konsidera hanesan "lahó efeitu" hosi Konsellu Seguransa ONU nian, ne'ebé husu ona ba nasaun sira hodi hasai ona misaun diplomátiku sira hosi sidade.

Iha fulan-Dezembru 2017, Estadus Unidus sai hanesan nasaun dahuluk ne'ebé foti desizaun hodi transfere embaixada ba Jeruzalen, nune'e sobu ona konsensu internasional kona-ba Sidade Santa ne'ebé dura ona dékada barak nia laran.

Lusa

 


Comentários

Critério de publicação de comentários