Pájina aktualizada iha 07:59h, sabado 18 Agostu

Ema sira ne'ebé lakon iha voo MH370 nian familia sira husu ba Malazia hodi retoma fali buska sira

04 de Março de 2019, 20:40

Asosiasaun familiar sira nian hosi ema sira na'in 239 ne'ebé lakon iha voo MH370 Malazia Airlines nian, husu iha domingu ne'e, buskas foun hodi deskobre misteriu ba saida maka akontese ho aviaun ne'e iha loron 08 Marsu 2014.


Iha serimonia públika ida ne'ebé halao iha Kuala Lumpur, loron hira antes hodi asinala tinan lima lakon aeronave ne'e, grupu "Lian 370" husu fali ba autoridade malaiu sira hodi retoma fali buska sira ba aviaun ne'e, ba dala tolu nian.

"Ami barak maka luta loron-loron, hodi buka resposta konabá saida, tanba sá no oinsá, no, se karik presiza, se. Ami buka lia lós", deklara durante inisiativa, KS Barendaran, fen hosi ema sira ida ne'ebé lakon.

"Investe iha buskas ne'e hanesan investe iha seguransa aeronautika mundial. Se aviaun ne'e hetan, sei sai benefisiu ba mundu hotu", asegura hosi Grace Nathan, ne'ebé maka nia inan viaja iha aviaun ne'e.

Serimonia ne'e transmiti em diretu iha rede sosial sira hotu no konta ho prezensa ministeriu Transporte malaiu nian, Anthony Loke.

"Seidauk husik esfrosu sira hodi hetan aviaun ne'e. Maibé, ami iha esperansa hodi fó resposta ba saida maka akontese ne'e (...) Governu Malazia agradese ba naran prova kredivel ida hodi hahú fali buska ne'e", subliña ministru ne'e.

Misaun rua ne'ebé maka halao tiha ona, ne'ebé maka foka iha parte oseanu Índiku nian, la hetan destrosu sira aviaun nian.

Oliver Plunkett, diretor-jeral Ocean Infinity nian, empreza ne'ebé maka halo buska daruak nian, oferese hodi realiza operasaun foun ida iha tasi okos ho kondisaun ida tenki selu tuir ézitu operasaun nian, tuir video ida ne'ebé maka sira grava no divulga.

Hafoin analiza pedasu sira ne'ebé hetan iha kosta leste afrikana nian no konfirma katak pertense ba aeronave, investigador sira konsidera katak aviaun ne'e monu iha oseanu Índiku hafoin konsome hotu tiha kombustivel.

Voo MH370 ne'e lakon hosi radar sira iha loron 08 Marsu 2014 minutu hatnulu hafoin sai hosi Kuala Lumpur ho destinu ba Pekin, hafoin ema ida taka tiha sistema komunikasaun no husik hela aparellu ne'e ligadu, tuir investigasaun ofisial.

Too momentu ne'e, sira rekupera pesa sira 27 hosi aparellu ne'e nian iha tasi sira Illa Reuniaun nian, Mosambike, Maurisias, Afrika Súl no Illa Pemba, iha Zanzibar, pesa sira ne'ebé maka hodi hosi korente sira Índiku nian, tanba ne'e provalvelmente aviaun ne'e monu iha oseanu.

Hosi pesa sira ne'e, espesialista sira konfirma katak tolu hetan iha Illa Reuniaun nian, Maurisias no Pemba pertense ba MH370, hitu seluk, inklui mós parte sira interior kabina nian nu'udar "seguransa boot" mós no ualu seluk iha "probabilidade ass" pertense ba aeronave ne'e.

Durante serimonia iha loron-segunda ne'e, ne'ebé maka loke ba públika ba dahuluk, no hatudu 'flaperon' (parte liras aeronave nian) aviaun nian.

ho Lusa

 


Comentários

Critério de publicação de comentários