Pájina aktualizada iha 07:59h, sabado 18 Agostu

Alegada vitima hahú konsome droga hafoin alegadu abuzu sira hosi kardeal George Pell

04 de Março de 2019, 23:14

Vitima ida hosi alegadu abuzu sexual kardeal australianu George Pell nian, ne'ebé akuzadu pedofilia, konsome heroina bainhira ho tinan 13, hafoin prejudikadu, tuir aman sira.


Vitima ne'e, nu'udar menor ida ne'ebé maka hetan abuzu sira hosi parte kardeal nian iha tinan 1996, hahú konsome droga no mate iha tinan 2014 ho overdoze.

Aman hosi falesidu ne'e hatete, iha entrevista eskluziva ba ABC news katak sei transmiti iha loron-segunda ne'e iha Australia, katak nia iha koñesimentu ba abuzu sexual sira hosi kardeal ba ninian oan hafoin nia mate no hafoin aprezenta kesar ida kontra Pell.

"Triste tebes hare ha'u nian oan iha espiral (autodestruisaun nian). Difisil tebes hare ne'e", akresenta ninian inan, ne'ebé maka hatete katak nia husu ba nian oan, iha pelumenuz iha momentu rua, se nia nu'udar vitima hosi abuzu sexual, maski nunka fó sai saida maka akontese.

Aman hosi vitima ne'e hatete katak planu hela atu prosesa kardeal ho tinan 77 ne'e ka Igreja katolika ba estragu sira ne'ebé maka halo ba ninian oan.

Sentensa kardeal Pell nian ne'e sei lé iha loron 13 Marsu ne'e no ninian advogadu sira adianta ona katak nia sei rekore ba kastigu ne'e.

Tuir Associated Press, kardeal ne'ebé agora ho tinan 77, maibé ho tinan 55 iha momentu ba faktu sira ne'ebé maka kondenadu, enfrenta pena prizaun másima ida ho tinan 50.

Juri kondena klérigu ne'e ba pedofilia, konsidera nia kulpadu tanba abuza mane na'in rua ho tinan 13, ne'ebé maka halo parte iha koru igreja nian, no ne'ebé maka kardeal ne'e hetan sira hemu tua sakramental nian iha sala ida iha St. Patrick's Cathedral nian kotuk, iha Melbourne, bainhira nu'udar arsebispu, no abuzu sira ne'e akontese iha sekuénsia iha momentu sira ne'e.

Tribunal, ne'ebé maka rona de'it vitima ida, tanba ida seluk fali mate tiha ona iha tinan hira liubá, konsidera provadu katak kardeal ne'e obriga mane sira ne'e ba aktu indensente sira ne'e.

Verediktu ne'e fó sai hosi tribunal iha fulan Dezembru no notisiadu hosi imprensa australiana, maski restrisaun sira ne'ebé iha.

Julgamentu, akuzasaun espesifika sira, testemuñu no kuaze detalle sira seluk hotu ne'ebé envolve akuzasaun sira kontra kardeal ho tinan 77 ne'e labele divulga tanba desizaun tribunal nian, ne'ebé maka bandu imprensa australiana hodi halo notisia.

Julgamentu ne'e halao hosi juiz Peter Kidd, hosi Tribunal Komarka Estadu Victoria nian.

Dezde fulan Agostu 2017 maka kardeal australianu ne'e enfrenta prosesu ida ba supostu kimi sexual sira ne'e kontra menor sira.

Iha fulan Dezembru 2018, papa hases tiha George Pell hosi ninian sírkulu konselleiru nain, no mós kardeal Francisco Errázuriz, suspeitu tanba subar aktu pedofilu sira ekleziastiku ida iha Chile, no espulsa hosi saserdosiu eis-kardeal no arsebispu eméritu Washington nian, Theodore McCarrick, akuzadu ba abuzu sexual ba menor sira no ba seminarista sira.

Konfirmasaun ba kondenasaun Pell nian mosu loron balun hafoin remata simeira istoriku organizada ida iha Vatikanu ne'ebé husu hosi papa Francisco hodi koalia konabá kestaun abuzu sexual sira hosi membru igreja katolika nian.

Simeira ne'ebé maka reúne responsavel episkopada sira no institutu relijiozu no ne'ebé maka rona mós testemuñu hosi vitima sira, hotu ho aprezentasaun ema na'in ualu nian ba luta kontra abuzu sira ne'e.

ho Lusa

 


Comentários

Critério de publicação de comentários