Pájina aktualizada iha 11:50h, kuarta-feira 22 Maiu

Trump prepara hodi reforsa kastigu hasoru Kuba

05 de Março de 2019, 03:36

Estadus Unidus prepara hela reforsu hosi kastigu ba dékada neen ne'ebé halo hasoru Kuba, bainhira hahú loron-segunda ne'e permiti asaun legal sira hasoru kompañia estranjeiru ne'ebé uza propriedade sira ne'ebé maka Governu kubanu hafoin revolusaun tinan 1959.


Hahú hosi Bill Clinton maka prezidente sira hotu desidi ona suspende sesaun ida hosi Lei Helms-Burton tinan 1996 ne'ebé antes permiti asaun judisial sira, tanba bele implika protestu sira hosi nasaun aliadu sira EUA nian no nasaun sivil sira diriji ba Washington relasionadu ho komérsiu internasional.

Investidor boot sira iha Kuba inklui empreza britániku boot tabaku nian Imperial Brands, ne'ebé mantén ‘joint venture’ ida ho Governu kubanu ba produsaun tabaku nian ho kualidade; empreza hoteleira española sira nian Iberostar ho Melia, ho hótel sanulu resin iha illa tomak; ho franseza Pernod-Ricard, ne'ebé produs tua Havana Club ho destilaria estatal kubanu ida.

Responsável ofisial norte-amerikanu sira refere ona ba ajénsia notísia Associated Press (AP) katak Trump sei permiti atu Títulu III hosi Lei Helms-Burton hahú hala'o ho dalan limitadu ida no ne'ebé la halo parte potensial oioin hodi promove asaun legal sira.

Medida ne'e aprezenta hela hanesan vingansa hasoru Kuba tanba apoia Prezidente Venezuela nian Nicolár Maduro, tanba EUA tenta hadook hela hosi poder tanba apoia líder hosi opozisaun Juan Guaidó.

Autorizasaun ba númeru limitadu ida hosi asaun judisial sira bele hamosu susar iha investimentu sira iha Kuba ba empreza sira ne'ebé hakarak tama iha merkadu maibé la konstitui golpe todan ida ba ekonomia kubanu, haktuir hosi AP.

Iha Janeiru, Governu Havana fó sai final hosi suspensaun Títulu III hosi Lei Helms-Burton hosi administrasaun Prezidente Donald Trump nian, no ne'ebé konsidera ona "hakat foun ida ne'ebé sei hametin, ho dalan perigozu, blokeiu hasoru Kuba, no sei hanesan violasaun maka'as ida hosi direitu internasional no sei ataka direta ba soberania ho interese hosi nasaun sira seluk".

Kuba konsidera mós katak lei ne'e "halo hodi kodifika no hametin polítika hosi blokeiu ekonómiku, komersial ho finanseiru ne'ebé halo ofisial iha tinan 1962, hodi estraga no hamonu governu Kuba nian no hamosu rejimi ida hanesan ba governu Estadus Unidus".

Ministériu Negósiu Estranjeiru kubanu esklarese mós katak "repete fali prínsipiu sira hosi Lei Reafirmasaun hosi Dignidade no Soberania Kuba nian (Lei No. 80), no salienta katak Lei Helms-Burton hanesan ilegal, laiha rezultadu, lahó valor ka efeitu legal. Nune'e, sei konsidera la vale reklamasaun ruma ne'ebé ho baze hosi lei ne'ebé halo hosi ema ruma ka jurídiku, la haree ba nia sidadania ka nasionalidade", aleinde nasaun "rezerva direitu hodi hatán iha momentu apropriado ba agresaun foun ne'e".

Lusa

 


Comentários

Critério de publicação de comentários