Pájina aktualizada iha 08:27h, domingu 18 Agostu

Asesu di'ak ba internet bele lori benefisiu 40ME/tinan ba Timor-Leste

06 de Março de 2019, 00:25

Timor-Leste bele iha benefisiu anual sira superior hosi euro millaun 40 ho ligasaun internasional ida fibra ótika nian ne'ebé maka halo asesu lalais ba internet, ne'ebé maka tuir estudu sai hanesan karu mós iha mundu.


Estudu "Speed Matters" estima katak melloria asesu ba internet bele reprezenta aumentu total ida ho dolares millaun 23 tinan-tinan iha salariu, ho 4,2% liu iha empregu ka empregu too rihun 16 liu.

"Iha justifikasaun sira ne'ebé forte ba melloria ida ne'ebé makas iha teknolojia", refere estudu, nota mós katak ida ne'e hanesan prioridade ida iha planu sira dezenvolvimentu nasional sira nian, iha objetivu sira Asosiasaun Nasaun sira Sudeste Aziatuku nian (ASEAN) - ne'ebé maka Timor-Leste atu pertense ba - no iha nivel objetivu sira Dezenvolvimentu Sustentavel, ne'ebé maka nasaun ne'e subskreve.

Prepara hosi universidade australiana Monash no hosi Market Development Facility (MDF), estudu ne'e buka atu analiza vantajen sira Timor-Leste nian hodi estebelese koneksaun fibra ótika ida internasional nian.

Analize ne'e maka agora ne'e divulga, hatudu katak "kustu dadu sira nian ne'e ass tebes iha Timor-Leste" ho presu médiu ida dolares amerikanu 500 por megabites/segundu (MBPS), kompara ho dolares 1,8 ne'ebé selu iha Indonezia, dolares 2,09 iha Australia ka dolares 8,1 iha Kamboja.

Timor-Leste hanesan nasaun ida iha mundu ne'ebé maka kontinua la iha koneksaun internasional hosi fibra ótika, ho nasaun ne'ebé maka tenki asede ba internet liu hosi koneksaun sira hosi satelite, ne'ebé maka afeta makas iha kualidade rede nian no halo presu aumenta.

Estimativa sira International Telecommunications Union (ITU) nian hatudu katak velosidade média internet nian iha Timor-Leste 25 vezes neneik liu ho nasaun sira seluk Azia no Pasifiku nian.

"Timor-Leste kuaze depende de'it ba serbisu sira satelite nian ne'ebé maka karu no neneik ba koneksaun sira internet nian. La iha kabu submarinu sira ne'ebé maka funsiona ka ne'ebé maka konstroi", esplika

"Situasaun ne'e kontinua pior liu tanba aumentu ba prokura nian. Bainhira serbisu iha iha utilizador sira barak, kuantidade fixa largura banda nian ida tenki fahe entre utilizador sira ne'e, nune'e implika katak ida-idak hela ho parte ida ne'ebé kiik, hodi halo ninian velosidade koneksaun nian neneik liu tan", esplika.

Estudu hatudu katak só 12% ligasaun sira hosi telemovel iha Timor-Leste inklui asesu 3G - maski rede abranje ona 97% populasaun, demonstra mós potensial "prokura ne'ebé ass" ho uzu ne'ebé progresivu ba internet movel.

Só 25% timoroan maka uza internet regularmente, dook hosi média mundial ne'ebé maka ultrapasa 46% no media Azia no Pasifiku nian ne'ebé maka 41,5.

Aleinde benefisiu imediatu sira hodi permiti ba nasaun ne'e hodi iha asesu ne'ebé lalais, baratu liu no estavel ba internet, ligasaun internasinal ida iha fibra ótika, estudu ne'e mós nota impaktu ne'ebé maka bele hetan iha termu sira hodi kria oportunidade foun negosiu nian.

"Analize internasional sira sujere katak ho kabu submarinu internet nian ida bele lori ba kresimentu atividade ekonomika nian. Negosiu sira benefisia ho ida ne'e no verifika mós kriasaun ne'ebé makas ba empregu", refere estudu ne'e.

Benefisiu sira maka setor sira ne'ebé konsidera prioritariu ba nasaun ne'e, maka hanesan turismu - hodi fasilita asaun promosaun operador sira nian - no agrikultura, fó mós ba produtor sira asesu ba informasaun barak no reforsu iha asesu ba merkadu sira.

Estudu ne'e rekomenda katak se Governu avansa iha instalasaun kabu nian no halo iha baze iha prosesu transparente konkursu publiku ne'ebé maka inklui "fó informasaun no oportunidade partisipasaun ba sosiedade sivil".

No aponta mós benefisiu sira iha projetu ne'e, aplika modelu parseria publiku-privadu hodi permiti tau hamutuk komponente serbisu publiku ho benefisiu sira know-how privadu nian.

Estudu ne'e nota katak maski ikus iha proposta barak ba instalasaun kabu submarinu ida nian, la iha ida maka avansa ne'ebé maka importante iha opsaun ne'ebé hili hare mós laos de'it ba presu maibé iha kestaun sira hanesan kualidade no seguransa.

Kustu kabu nian bele varia entre millaun 20 iha kazu ba ligasaun ida ba rede Palapa, iha Indonezia - ne'ebé maka depende ba ligasaun sira entre ila sira - no millaun 200 iha ligasaun too Singapura, refere estudu.

"Bele parese óbviu uza koneksaun ho kustu ne'ebé kiik, importante mós konsidera kualidade no kapasidade rede nian. Konekta liu hosi Kupang , bele lori melloria ne'ebé ladun makas iha kapasidade duke hosi alternativa sira ne'e ida", nota.

"Iha indisiu sira katak iha posibilidade boot katak koneksaun ida ne'ebé la konfiavel liu hosi Timor Osidental. Halo parte iha rede ida ne'ebé maka depende iha parte boot ba rede ida kablajen kabeamentu terestre nian", akresenta.

Tenki konsidera mós iha desizaun final "risku espionajen nian ka atividade sira seluk" se kabu ne'e la oferese seguranse ne'ebé adekuada.

ho Lusa

 


Comentários

Critério de publicação de comentários