Pájina aktualizada iha 23:13h, segunda-feira 25 Marsu

Embaixador timoroan iha Austrália hatete katak Xina hanesan opsaun ba kampu petrolíferu Greater Sunrise

13 de Março de 2019, 19:40

Timor-Leste sei hili kapital xinés hodi dezenvolve kampu petrolíferu sira hosi Greater Sunrise no projetu relasionadu sira bainhira investidor sira hosi nasaun sira seluk hanesan Austrália, EUA, Japaun ho Koreia la avansa, hatete hosi embaixador timoroan nian iha Austrália.


Iha entrevista ba Australian Financial Review, Abel Guterres hatete ona katak Timor-Leste kontinua fiar iha perspetiva sira hosi dezenvolvimentu Sunrise nian, liuliu projetu hosi gazodutu to'o súl nasaun nian.

"Bainhira ami nia belun norte-amerikanu sira, australianu sira, japunés sira ho koreanu sira la avansa, entaun ami laiha eskolla: ema xinés sira iha osan", nia hatete.

"Iha osan: hanesan kestaun oinsá ami hasoru ho kestaun isra ne'ebé iha hodi harii konfiansa hosi investidor sira", nia subliña.

Entrevista halo loron antes Timor-Leste konkretiza sosa ho folin dolar millaun 650 (euro millaun 580 resin) hosi partisipasaun maioria ida hosi 56,6% iha konsórsiu hosi posu petrolíferu sira Greater Sunrise nian, iha tasi Timor.

Fundu sira ne'e sei sai hosi Fundu Petrolíferu (FP) ne'ebé, tuir esplika ona hosi prezidente ho diretor ezekutivu Timor Gap, Francisco Monteiro, ba Lusa iha semana ne'e, Timor-Leste hakarak evita uza hodi selu folin sira hosi kapital to'o dolar biliaun 12 ba dezenvolvimentu projetu nian.

Bainhira hahú produsaun hein katak bele garanti benefísiu finanseiru ida ne'ebé bele to'o dolar biliaun 28 (euro biliaun 25 resin), esplika hosi responsável.

"Ami nia estimativa konservadora maka katak, pelumenus, biliaun 28 sei tama iha FP hosi Greater Sunrise, la konta ho benefísiu ekonómiku sira seluk hanesan kriasaun serbisu, ne'ebé bele akontese iha Timor-Leste", nia hatete.

Lusa

 


Comentários

Critério de publicação de comentários