Pájina aktualizada iha 11:50h, kuarta-feira 22 Maiu

MNE Vanuatu nian hatete katak Timor-Leste bele ajuda rezolve konflitu ho Fransa

13 de Março de 2019, 23:12

Vanuatu hakarak hatene estratéjia Timor-Leste nian hodi rezolve kestaun hosi fronteira tasi nian ho Austrália, hodi ajuda rezolve ho Fransa konflitu ida kona-ba propriedade hosi illa rua, hatete hosi xefe diplomasia hosi nasaun ne'e.


"Ami nia delegasaun ida ba ona Timor-Leste hodi hatene oinsá sira uza ona artigu sira hosi konvensaun ba Direitu Tasi nian hosi ONU hodi obriga Austrália halo negosiasaun. Tanba Austrália antes trata Timor-Leste hanesan Fransa trata hela ami", hatete hosi Ralph Regenvanu, ne'ebé maka haktuir hosi imprensa Vanuatu nian.

"Timor-Leste uza ona kláuzula espesífiku ida hodi obriga Austrália hodi to'o iha meza negosiasaun sira nian, tanba ne'e ami haruka delegasaun ida ba Timor-Leste hodi ami aprende oinsá ami bele uza dalan ne'e bainhira Fransa sei rekuza halo negosiasaun", esplika hosi ministru.

Iha kauza maka debate ida ne'ebé dura ona tinan 43 nia laran kona-ba sé maka sai hanesan na'in hosi Illa Matthew ho Hunter ne'ebé ema fransés sira aneksa tuir dalan ofisial iha tinan 1976.

Ralph Regenvanu esplika ona katak nia nasaun tenta avansa iha prosesu hodi rekoñese nia reklamasaun sira hodi sai hanesan na'in ba illa sira, inklui apoia polítika hosi autodeterminasaun hosi Illa Chagos, iha Tribunal Internasional Justisa nian (TIJ).

Regenvanu hatutan katak prinsípiu sira ne'ebé estabelese hosi TIJ iha kazu ne'e (Illa Chagos) bele kontribui hodi rezolve konflitu ho Fransa kona-ba Matthew ho Hunter.

Hafoin dékada barak nia laran lahó solusaun ba fronteira tasi sira nian, Timor-Leste ho Austrália asina ona iha fulan-Marsu tinan liubá tratadu ida kona-ba fronteira tasi permanente sira entre nasaun rua ne'ebé sei hein ratifikasaun.

Dokumentu ne'e konklui hafoin negosiasaun sira entre nasaun rua ne'ebé halo iha ámbitu hosi Komisaun Konsiliasaun ida no ho baze iha prosesu ida ne'ebé maka hahú hosi Timor-Leste iha kuadru hosi Konvensaun Direitu Tasi nian hosi ONU.

Xefe diplomasia hosi Vanuatu refere katak konvensaun bele tau hamutuk "ba arsenal" ne'ebé maka nia nasaun hakarak uza iha negosiasaun sira ho Fransa, ne'ebé nia negosiasaun foun marka ona ba fulan ne'e nia rohan.

Lusa

 


Comentários

Critério de publicação de comentários