Pájina aktualizada iha 12:00h, kuarta-feira 22 Maiu

Woodside kalkula défise gás natural iha dékada tuirmai ho aumentu buka iha Ázia

14 de Março de 2019, 01:20

Petrolíferu australianu Woodside, parseiru ida hosi konsórsiu hosi posu sira Greater Sunrise nian, iha Tasi Timor, antesipa katak aumentu buka iha Ázia sei hamosu défise ida gás natural likifeitu (GNL) nian iha dékada tuirmai.


"Défise global ida hosi GNL sei mosu iha dékada tuirmai, tanba aumentu buka iha Ázia, estímulu hosi aumentu ida populasaun mundial nian no aumentu hosi buka enerjia maka'as no ne'ebé moos liu", hatete hosi Meg O'Neill, diretora hosi operasaun Woodside nian.

"Loos duni, iha korida global ida hodi aproveita mudansa ne'e iha merkadu, ho projetu sira hosi GNL ne'ebé foin lalais aprova ka hein hela FID [Desizaun hosi Investimentu Finanseiru (FID, sigla iha inglés)] iha EUA, Kanadá, Rúsia, Katar, Nijéria ho Mosambike", nia refere.

Meg O'Neill ko'alia iha Asembleia Jeral Woodside nian ne'ebé hala'o iha loron-kuarta ne'e iha Perth, Austrália Osidental, iha diskursu naruk ida ne'ebé refere ba projetu petrolíferu oioin, maski nunka refere ba posu sira hosi Greater Sunrise.

Iha entrevista ba Lusa, iha 08 Marsu, prezidente no diretor ezekutivu hosi petrolíferu timoroan Timor Gap, Francisco Monteiro, asumi ona katak empreza hakotu daudaun konkretizasaun hodi sosa partisipasaun sira hosi ConocoPhillips ho Shell iha konsórsiu hosi Greater Sunrise, iha investimentu ida ne'ebé nunka akontese iha nasaun.

Bainhira konkretiza negósiu, Timor-Leste sei asumi partisipasaun maioria ida ho 56,6% iha konsórsiu projetu nian. Aleinde Timor-Leste, liuhosi nia petrolíferu, konsórsiu ne'ebé iha Woodside, hanesan operadora, ho Osaka Gas.

Maski la halo komentáriu ba projetu Greater Sunrise, O'Neill refere ona iha nia diskursu ba kestaun ne'ebé afeta liu projetu, liuliu modelu dezenvolvimentu nian: gazodutu ida ba Timor-Leste ka baDarwin ka plataforma flutuante ida.

Timor-Leste defende opsaun hosi gazodutu ida ba súl Timor-Leste nian, solusaun ne'ebé Woodside nunka hakarak maibé foin lalais ne'e hatete katak bele aseita, maski la investe iha modelu ne'e no admiti ona, antes, hili gazodutu ne'ebé iha ona ba Darwin.

"Projetu sira ne'ebé bele hamenus kustu, lori rekursu foun sira liuhosi instalasaun sira ne'ebé iha no komprovadu ona, sei iha vantajen dahuluk ida", O'Neill hatete hodi fó ezemplu ba projetu petrolíferu sira seluk.

Nia esplika, nune'e envezde "projetu boot" hanesan halo ona iha pasadu, petrolíferu hakarak dezenvolve projetu oioin entre "triliaun 20 no 25 tuir kúbiku sentímetru hosi rekursu brutu gás nian" maibé "la'ós ho konstrusaun hosi infraestrutura foun sira hosi prosesamentu nian" maibé atualiza ho liga "instalasaun sira ne'ebé iha ona".

Iha semana hanesan, entrevista anterior ba Lusa, prezidente ho diretor ezekutivu Timor Gap nian, Francisco Monteiro, hatete ona katak Timor-Leste hakarak evita uza Fundu Petrolíferu (FP) hodi selu folin sira hosi kapital (CAPEX) to'o dolar biliaun 12 (euro biliaun 10,6) ba dezenvolvimentu hosi projetu gazodutu ba Timor-Leste no prosesamentu iha kosta-súl.

Hafoin hahú produsaun, hein benefísiu finanseiru ida ne'ebé bele hetan dolar biliaun 28 (euro biliaun 25 resin), esplika hosi responsável.

"Ami nia estimativa konservadora maka katak, pelumenus, biliaun 28 sei tama iha FP hosi Greater Sunrise, la konta ho benefísiu ekonómiku sira seluk hanesan kriasaun serbisu, ne'ebé bele akontese iha Timor-Leste", Monteiro hatete.

Iha senáriu ne'ebé konservador hosi lukru sira, konta sira hosi Timor Gap fiksa iha previzaun katak Greater Sunrise iha rezerva triliaun 4,6 tuir kúbiku sentímetru gás nian no millaun 226 tuir baril petróleu nian ho folin ida dolár 62,5 tuir baril.

Lusa

 


Comentários

Critério de publicação de comentários