Pájina aktualizada iha 23:17h, segunda-feira 25 Marsu

Relatóriu hosi EUA hatete katak baibain iha falla hodi investiga violasaun sira iha Timor-Leste

14 de Março de 2019, 20:13

Relatóriu ida hosi Departamentu Estadu hosi Estadus Unidus, ne'ebé iha funsaun hanesan ho Ministériu Negósiu Estranjeiru iha nasaun europeu sira, hatudu, iha loron-kinta ne'e, katak iha Timor-Leste baibain iha falla iha investigasaun ba kazu sira violasaun nian ka abuzu seksual nian.


"Hanesan baibain iha falla sira iha investigasaun ka akuzasaun hosi kazu sira hosi alegasaun violasaun nian ka abuzu seksual sira", hakerek iha relatóriu anual hosi Departamentu Estadu norte-amerikanu kona-ba direitu ema sira nian iha mundu ne'ebé maka fó sai iha loron-kinta ne'e.

Dokumentu esplika situasaun ne'e ho faktu hosi autoridade sira "laiha ema sufisiente hodi garanti prezensa maka'as ida iha área tomak iha nasaun laran".

Maski iha falta pesoal, EUA asinala, iha relatóriu hanesan, katak sistema justisa "serbisu ona ho aumentu hosi númeru ba kazu sira abuzu doméstiku ho seksual ne'ebé reportadu", nune'e krimi sira hanesan ne'e sai hanesan krimi daruak ne'ebé maka hetan liu akuzasaun, tuir kazu sira violénsia jenériku nian.

"Maibé, majistradu sira hosi akuzasaun trata kazu sira hosi agresaun todan sira no uzu hosi arma mortífera sira hanesan violénsia ho nível ne'ebé ki'ik", hatutan hosi análize kona-ba Timor-Leste ne'ebé halo hosi Departamentu Estadu norte-amerikanu nian, ne'ebé haree mós katak "organizasaun la'ós governu oioin kritika ona falla hosi emisaun ba orden restrisaun nian no kona-ba utilizasaun hosi sentesa suspensu sira maski iha kazu sira ne'ebé envolve ofensa ba isin sira".

Lusa

 


Comentários

Critério de publicação de comentários