Pájina aktualizada iha 23:15h, segunda-feira 25 Marsu

Portugés obrigatóriu semanalmente iha Sekretaria Estadu hosi Komunikasuan Sosial timoroan

14 de Março de 2019, 22:44

Portugés, lian ofisial ida hosi lian ofisial rua Timor-Leste nian, sei sai hanesan obrigatóriu "iha diskursu oral" iha loron-tersa dadeer ba funsionáriu tomak ne'ebé iha ligasaun ba Sekretaria Estadu hosi Komunikasaun Sosial nian.


Desizaun ne'e foti iha despaxu asina iha semana ne'e hosi sekretáriu Estadu hosi Komunikasaun Sosial, Merício Juvenal dos Reis Akara, no fó hatene ona ba funsionáriu tomak hosi SECOMS.

Akara determina iha testu hosi despaxu "obrigatoriedade hodi uza lian portugeza iha diskursu oral, iha loron-tersa sira, iha períudu entre tuku 08:00 to'o tuku 12:00".

Despaxu ne'e rekorda katak portugés, hamutuk ho lian tétun, hanesan lian ofisial iha Timor-Leste no katak "lian ofisial sira tenki uza hosi funsionáriu sira hosi administrasaun diretu no indiretu Estadu nian".

Maski portugés hanesan lian hosi redasaun testu lejislativu sira no hodi marka parte hosi komunikasaun ofisial sira, tétun sai hanesan lian ne'ebé maka uza liu iha administrasaun públika.

Parlamentu Nasional, ne'ebé nia debate sira barak liu halo iha lian tétun, iha mós sesaun espesial sira ho lian portugeza.

Lusa

 


Comentários

Critério de publicação de comentários