Pájina aktualizada iha 12:20h, kuarta-feira 22 Maiu

NATO akompaña suspeita sira kona-ba Huawei no admiti atua

14 de Março de 2019, 23:51

Sekretáriu-jeral NATO nian, Jens Stoltenberg, hatete iha loron-kuarta katak hanoin hela asaun ruma kona-ba empreza telekomunikasaun xineza Huawei tanba preokupasaun sira seguransa nian.


Stoltenberg hatete katak nasaun balun hosi nasaun hamutuk 29 ne'ebé hanesan aliadu hosi organizasaun hatudu preokupasaun kona-ba Huawei, iha momentu ne'ebé empreza prepara investe iha infraestrutura foun sira hosi jerasaun foun (5G).

"NATO simu preokupasaun sira ne'e ho sériu tebes", hatete hosi Stoltenberg.

Sekretáriu-jeral hosi Aliansa Atlántiku hatete katak sei akompaña nafatin konsulta sira hosi aliadu oioin no "buka dalan" hodi oinsá NATO bele halo intervensaun hodi la fornese tan detalle sira kona-ba desizaun sira.

Telekomunikasaun xinés boot ne'e nega nafatin akuzasaun ne'ebé halo hosi Estadus Unidus, membru NATO nian, ne'ebé deskonfia katak Huawei permiti ba serbisu sekretu sira hosi Repúblika Popular Xina nian hodi hetan asesu ba informasaun sira hosi utilizador sira.

Lusa

 


Comentários

Critério de publicação de comentários