Pájina aktualizada iha 23:21h, segunda-feira 25 Marsu

Trump haree potensial boot iha akordu komersial ida ho Reinu Unidu

15 de Março de 2019, 00:17

Prezidente EUA nian, Donald Trump, hatete iha loron-kinta ne'e katak nia haree potensial boot ida iha akordu komersial ida ho Reinu Unidu, iha momentu ne'ebé ‘Brexit’ hasoru difikuldade polítiku iha Parlamentu britániku.


"Ha'u nia Governu prontu hela hodi halo negosiasaun ba akordu komersial boot ida ho Reinu Unidu. Potensial hanesan laiha limiti!", Donald Trump hakerek, iha loron-kinta ne'e, iha nia pájina Twitter.

Trump nia proposta simu hosi defensor sira hosi "Brexit todan", ne'ebé defende ona definisaun hosi ajenda foun ida hosi parseria komersial sira ne'ebé la halo parte hosi Uniaun Europeia, hafoin "divórsiu" ho Bruxelas.

Iha parte seluk, Prezidente EUA nian, iha tinan 2018, kritika tiha ona proposta akordu nian ne'ebé maka primeira-ministra británika, Theresa May, hakarak ko'alia ho Uniaun Europeia, ba ‘Brexit’.

Trump konsidera katak akordu ne'e sei hamosu limitasaun barak iha relasaun komersial bilateral ida entre EUA ho Reinu Unidu, nune'e hanesan nafatin partidáriu katak Governu britániku hili ba "Brexit todan" ida, hodi hakotu relasaun sira ho Uniaun Europeia.

Iha entrevista iha ba jornal britániku The Sun, durante nia vizita ofisial dahuluk iha Londres, Trump kritika ona dalan oinsá Theresa May halo sedénsia ba Bruxelas, hodi prejudika interese hosi ema britániku sira no hatete ona katak nia sei halo negósiu ba akordu ne'e "ho dalan ida oinseluk tebes".

Hafoin rejeita tiha akordu ida ho Bruxelas, iha loron-tersa, no rejeita ona saída ida lahó akordu, iha loron-kuarta, Parlamentu britániku sei vota iha loron-kinta loraik ne'e ba posibilidade ida hodi adia saída Reinu Unidu nian hosi Uniaun Europeia.

Lusa

 


Comentários

Critério de publicação de comentários