Primeiru-ministru timoroan husu ona ba governante sira hodi iha liután kuidadu ho gastu sira ho karreta sira, kombustível ho viajen sira, ne'ebé entre tinan 2014 ho 2017 to'o ona osan dolar millaun 231, iha mensajen ne'ebé fó sai iha loron-segunda ne'e.
Taur Matan Ruak avansa ona ho valor sira iha mensajen ida ba membru sira Governu nian hodi nune'e kontrola liu gastu sira hanesan ne'e iha konta sira Estadu nian, hodi fó sai saida maka gasta ona entre tinan 2014 to'o 2017, euro millaun 203,8 resin.
Informasaun sira ne'ebé fó sai hosi primeiru-ministru hatudu katak, iha média, Estadu timoroan gasta ona, loron-loron, iha tinan haat ne'e, osan dolar rihun 158 resin iha despeza sira hanesan ne'e.
Mensajen ne'e husik iha enkontru ida ho funsionáriu importante sira hosi Administrasaun Públika, iha semana liubá, iha Díli.
Nune'e, no tuir mensajen ne'ebé divulgadu hosi pájina ofisial hosi xefe Governu nian, Timor-Leste gasta ona dolar millaun 142 entre tinan 2014 to'o 2017 hodi sosa no aluga karreta sira, ba nia manutensaun ho ba kombustível.
Tinan sira 2014 - ho gastu millaun 47 - no 2015 - ho gastu sira millaun 45 - hanesan despeza maka'as sira, ho millaun 28 gasta iha tinan 2016 ho millaun 22 gasta iha 2017, tinan ne'ebé nasaun hanesan paradu tanba prosesu eleitoral sira.
Iha kazu viajen sira, iha nasaun laran no iha estranjeiru, Estadu gasta ona dolar millaun 89 entre tinan 2014 ho 2017, ho 2015 iha folin aas liu (millaun 26), tinan 2014 ho 2016 rejista millaun 23 ho tinan 2017 rejista millaun 17.
Taur Matan Ruak esplika katak objetivu maka tenta ajusta gastu sira ne'e, haktuir hosi nota ne'ebé maka divulgadu.
Lusa
Comentários
Critério de publicação de comentários