Pájina aktualizada iha 03:10h, kuarta-feira 25 Abril

Governu timoroan lansa rede foun hosi fibra ótika nasional hodi fasilita Governu ekonómiku

10 de Abril de 2019, 19:46

Governu timoroan sei bele serbisu ho lalais no efikásia iha nia relasaun ho sidadaun sira ho emprezáriu sira, liuhosi rede foun hosi fibra ótika rai nasional nian ne'ebé lansa ona iha loron-kuarta ne'e iha Timor-Leste, hatete hosi primeiru-ministru Taur Matan Ruak.


"Laiha justifikasaun atu Timor la aproveita teknolojia komunikasaun nian ne'ebé avansadu tebes iha mundu. Governu halo ona esforsu boot ida hodi nune'e ohin ita bele lansa ofisialmente inisiativu ne'e", nia hatete.

"Vantajen sira hosi governasaun eletróniku hanesan boot tebes, no Teknolojia sira Informasaun ho Komunikasaun nian (TIC) ajuda hodi fó serbisu di'ak ida ba sidadaun no ba parseiru sira iha área privadu", nia afirma.

Taur Matan Ruak ko'alia iha Palásiu Governu iha Díli iha lansamentu hosi projetu fibra ótika rai nian ne'ebé hakarak fortalese Governu eletróniku no hakbesik ezekutivu no sidadaun sira iha nasaun tomak.

"Iha serbisu barak maka sai neineik liu, komplikadu liu. Nune'e ha'u fó parabéns tanba esforsu hodi kompleta prosesu ne'e, maski hetan susar sira. No ha'u fó korajen ba Ministériu sira no ba instituisaun sira seluk hodi uza rede foun ne'e", nia afirma.

"Hanesan hakat ida pozitivu tebes ne'ebé profisionaliza tebes administrasaun públika no permiti rapidez iha serbisu no ekonomiza tempu ho rekursu sira", nia hatutan.

Roberto Sousa, diretor ezekutivu hosi TIC Timor, organizmu públiku ne'ebé responsável ba dezenvolvimentu hosi projetu, subliña ona importánsia hosi projetu ba dezenvolvimentu hosi Governu eletróniku iha Timor-Leste.

Prosesu ida ne'ebé sei muda no sei hadi'a dalan oinsá Governu opera no oinsá relasiona ho sidadania, "fasilita komunikasaun entre instituisaun sira hosi Governu no estrutura públika sira seluk".

Ne'e sei permiti mós sidadaun sira ho emprezáriu sira hodi komunika ho fásil tebes ho Estadu hodi hamenus nesesidade hosi dokumentu sira iha surat-tahan, nia esplika.

"Teknolojia hosi Informasaun ho Komunikasaun hanesan importante ba susesu futuru nasaun nian. Ajuda harii governu modernu ida, eletróniku, simples liu no ladún burokrátiku", nia hatete no esplika katak rede sei implementa tuir faze.

Instalasaun hosi rede hahú ona hamutuk ho konstrusaun hosi rede elétrika nasional ho fiu OPGW ho rede elétriku hamutuk kilómetru 600 resin, durante Governu dahaat ho governu dalima.

Fiu sira PPGW (sigla ingleza hosi Overhead Power Ground Wire) hanesan fiu sira hosi rai ne'ebé instala iha liña elétriku sira ho tensaun aas ne'ebé sei introduz fiu sira ho fibra ótika, no ne'ebé sei funsiona hanesan para-raiu no mós ba transmisaun hosi dadus sira no lian nian.

Aumentu hosi projetu fibra ótika rai nian hahú ona iha Governu dahaat bainhira iha tinan 2016 halo ona estimativa dahuluk sira no hahú prosesu konkursu nian, no Governu dahitu, iha tinan tuirmai, asina akordu ida ho Timor Telecom.

Ho folin ida dolar biliaun 1,88 resin, projetu ne'e, iha konkretu, abranje interligasaun hosi rede fibra ótika entre subestasaun sira hosi EDTL (Eletrisidade Timor-Leste nian) ho edifísiu sira hosi administrasaun munisipal nian iha munisípiu hamutuk 12.

Inklui mós ligasaun entre munisípiu sira ho sentru sira informasaun nian hosi gabinete primeiru-ministru nian, hodi permiti ba Governu iha rasik nia rede privadu no nune'e avansa ho prosesu aumentu hosi Governu Eletróniku nian.

Kontratu inklui períudu ida tinan tolu hosi suporte ho manutensaun Timor Telecom nian, empreza ne'ebé disponível hodi "kopera hodi aumenta hahú hosi rede ne'e, ba kobertura hosi instituisaun tomak Estadu nian iha Munisípiu sira hotu".

Antes projetu ne'e tuir loloos konklui iha fulan-Marsu tinan 2018 maibé afetadu ho situasaun polítika iha Timor-Leste no hosi proibisaun ba esportasaun hosi ekipamentu sira hosi empreza ZTE, fornesedor ida hosi Timor Telecom.

"Maski nune'e, iha ona posibilidade hodi hakotu prosesu", hatete hosi Roberto Sousa, hodi esplika katak funsionáriu públiku sira iha munisípiu 12 (seidauk iha ligasaun ba enklave Oecusse) agora iha ona ligasaun entre sira.

Lusa

 


Comentários

Critério de publicação de comentários