Pájina aktualizada iha 12:05h, tersa-feira 18 Juñu

Regulador australianu autoriza sosa partisipasaun timoroan iha Greater Sunrise

10 de Abril de 2019, 20:56

Regulador australianu ba investimentu estranjeiru autoriza ona sosa hosi parte Díli nian ba partisipasaun maioritáriu iha konsórsiu Greater Sunrise nian hosi petrolíferu timoroan, anunsia hosi prezidente Timor Gap iha loron-kuarta ne'e.


Foreign Investment Review Board (FIRB), "konfirma ona horiseik [loron-tersa] loraik" autorizasaun, hatete hosi Francisco Monteiro ba Lusa.

Operasaun sei konkretiza iha loron 16 Abril, iha Sigapura, nia hatutan.

"Banku Sentral Timor-Leste nian presiza loron ida ka loron rua hodi nune'e osan bele transfere ba konta Timor Gap nian", afirma hosi responsável petrolíferu timoroan nian.

Delegasaun ida hosi autoridade timoroan sira, inklui reprezentante hosi Governu ba Asuntu sira Tasi Timor nian, Xanana Gusmão, sei halo viajen ba Singapura hodi hakotu operasaun.

Ne'e "hanesan de'it hakat dahuluk. Sei iha dalan barak hodi la'o", nia fó hanoin.

Ho konkretizasaun hosi negósiu, ne'ebé hetan ona akordu iha tinan liubá ho petrolíferu sira, Timor-Leste sei asumi partisipasaun maioria ida hosi 56,5% iha konsórsiu hosi projetu, ne'ebé inklui mós petrolíferu australianu Woodside, hanesan operadora, ho Osaka Gas.

Iha entrevista ida ne'ebé halo ba Lusa, Francisco Monteiro, hatete ona katak Timor-Leste hakarak evita uza Fundu Petrolíferu (FP) hodi selu folin sira hosi kapital (CAPEX) to'o dolar biliaun 12 (euro biliaun 10,6) ba dezenvolvimentu hosi projetu gazodutu ba Timor-Leste no prosesamentu iha kosta-súl.

Hafoin hahú produsaun, hein benefísiu finanseiru ida ne'ebé bele hetan dolar biliaun 28, esplika hosi responsável.

"Ami nia estimativa konservadora maka katak, pelumenus, biliaun 28 sei tama iha FP hosi Greater Sunrise, la konta ho benefísiu ekonómiku sira seluk hanesan kriasaun serbisu, ne'ebé bele akontese iha Timor-Leste", Monteiro hatete.

Iha senáriu ne'ebé konservador hosi lukru sira, konta sira hosi Timor Gap fiksa iha previzaun katak Greater Sunrise iha rezerva triliaun 4,6 tuir kúbiku sentímetru gás nian no millaun 226 tuir baril petróleu nian ho folin ida dolár 62,5 tuir baril.

Lusa

 


Comentários

Critério de publicação de comentários