Pájina aktualizada iha 12:05h, tersa-feira 18 Juñu

Aumentu hosi dengue halo ema na'in lima mate iha Díli ho kazu diagnostikadu hamutuk atus resin

10 de Abril de 2019, 21:15

Pelumenus ema na'in lima mate tanba aumentu hosi dengue iha fulan dahuluk sira iha tinan ne'e iha Timor-Leste, ho kazu rejistadu hamutuk 500 resin iha de'it hospital nasional Díli nian, haktuir hosi imprensa timoroan.


Haktuir informasaun sira hosi Hospital Nasional Guido Valadares, jornal Independente refere katak rejista ona kazu hamutuk 532 dezde inísiu tinan ne'e, valor ida ne'ebé aas tebes duké valor ne'ebé maka rejista iha períudu hanesan iha tinan anterior sira.

Jornal refere katak númeru boot hosi kazu sira akontese iha munisípiu Díli, maski iha kazu barak ne'ebé maka referensiadu iha zona sira Liquiçá, iha oeste kapital nian, no iha enklave Oecusse-Ambeno.

Époka ida ho udan maka'as duké normal hanesan motivu ida ba aumentu hosi moras viral ne'ebé transmiti hosi susuk.

Espesialista timoroan sira refere katak númeru total hosi kazu sira ho dengue hanesan boot tebes, ho vítima barak la ba hospital sira ka sentru saúde sira.

Iha semana ne'e, asuntu ne'e ko'alia ho preokupasaun hosi deputadu sira iha Parlamentu Nasional.

Lusa

 


Comentários

Critério de publicação de comentários