Pájina aktualizada iha 18:59h, segunda-feira 22 Jullu

Portugal asina projetu apoiu iha lian portugeza ho Universidade Nasional Timor Lorosa'e

10 de Abril de 2019, 21:58

Iha loron-kuarta ne'e, Portugal asina ona ho Universidade Nasional Timor Lorosa'e (UNTL) projetu foun ba kapasitasaun iha lian portugeza, ho finansiamentu hamutuk ho euro millaun 2,7, hodi destina ba reforsu ba kompeténsia sira hosi Sentru Lian Portugeza hosi instituisaun nian.


Projetu, finansiadu hamutuk ho Camões - Institutu Koperasaun ho Lian nian no asina iha loron-kuarta ne'e hosi embaixador Portugal nian iha Timor-Leste, José Pedro Machado Vieira, ho reitor UNTL nian, Francisco Martins, halo parte iha koperasaun bilateral ho universidade públika timoroan nian.

José Pedro Machado Vieira subliña ona katak projetu, haktuir polítika hosi koperasaun portugeza ho Timor-Leste "ho investimentu beibeik no konsistente ida iha Edukasaun", área ne'ebé maka kanaliza 80% resin hosi ajuda públika hosi Governu portugés nian ba nasaun.

Objetivu global maka "kontribui hodi hadi'a kualidade ensinu iha Timor-Leste no hametin lian portugeza hanesan instrumentu ba akizisaun ho asesu ba koñesimentu", nia hatete.

"Koperasaun Portugeza ho UNTL asumi kompromisu, lahó distrasaun sira ka desviu sira, serbisu hodi forma profesor sira ho alunu sira hosi UNTL, nune'e mós funsionáriu públiku sira ho populasaun iha jeral", nia refere.

Sei hala'o to'o tinan 2022, "Forma, Orienta, Sertifika ho Otimiza" (FOCO-UNTL) substitui Projetu hosi Kapasitasaun UNTL nian iha Lian Portugeza, no "konstitui hosi atividade oioin ne'ebé destinadu hodi kontribui ba reforsu hosi kompeténsia sira hosi Sentru Lian Portugeza hosi UNTL".

Projetu aposta hodi hadi'a nível hosi profisiénsia iha lian portugeza hosi profesor sira no alunu sira UNTL nian, nune'e mós hosi funsionáriu sira hosi Administrasaun Públika no públiku iha jeral no iha tempu hanesan "iha komponente hosi sertifikasaun iha nível profisiénsia iha lian portugeza".

UNTL konstriui ho 1/3 ida hosi fundu sira projetu nian no Camões ho 2/3.

Francisco Martins esplika ona katak projetu envolve profesor portugés na'in 11 ne'ebé destaka iha Timor-Leste no apoia entre profesor timoroan na'in neen to'o na'in 18.

Reitor konsidera ona projetu hanesan importante hodi permiti ba UNTL implementa nia misaun "hanesan instituisaun formadora no investigasaun nian" no hodi "aumenta kualidade hosi sistema akadémiku hosi universidade", hodi permiti "kapasita no aumenta kompeténsia hosi joven timoroan sira iha lian portugeza".

Projetu bilateral ida ne'ebé halo ho baze iha istória kuaze tinan 20 resin hosi koperasaun bilateral ho Portugal, ne'ebé permiti reforsa koñesimentu iha lian portugeza no mós aprendizajen iha área espesifiku sira seluk hosi oferta formativu UNTL nian.

Nia esplika katak hanesan klaru mós aumentu hosi interese no pedidu hosi apoiu hosi instituisaun oioin timoroan nian ne'ebé husu ba UNTL formasaun iha lian portugeza.

Programa ne'e tau hamutuk ho asaun oioin hosi koperasaun portugeza, inklui atribuisaun hosi bolsa sira ba ensinu superior, Sentru sira Aprendizajen ho Formasaun Eskolar (CAFE), Eskola Portugeza Díli nian ka projetu Formar +, ne'ebé maka estrutura fila fali.

"Koperasaun Portugeza ho UNTL hamutuk iha ambisaun hodi tau edukasaun hanesan prioritáriu, entre nesesidade sira no objetivu sira hosi povu timoroan. Formasaun hosi ema sira nian hanesan determinante prinsipal hosi dezenvolvimentu ekonómiku ho sosial sustentável", diplomata hatete.

"Edukasaun, aleinde konstitui direitu ema nian ida ne'ebé fundamental, hanesan mós dalan importante ida ba governasaun di'ak, ba foti desizaun ida ne'ebé informadu no ba promosaun hosi demokrasia", nia hatete.

Lusa

 


Comentários

Critério de publicação de comentários