Pájina aktualizada iha 18:59h, segunda-feira 22 Jullu

Governu timoroan aprova koperasaun ho Portugal iha área Seguransa Sosial nian

10 de Abril de 2019, 23:21

Governu timoroan aprova ona, iha loron-kuarta ne'e, programa koperasaun entre Ministériu Traballu, Solidariedade ho Seguransa Sosial portugés ho Ministériu Solidariedade Sosial ho Inkluzaun Timor-Leste nian hosi tinan 2019 to'o 2022.


Dokumentu sei asina iha loron 16 oinmai, iha Díli, hosi ministra Solidariedade Sosial ho Inkluzaun Timor-Leste nian, Armanda Berta dos Santos, no hosi sekretária Estadu hosi Seguransa Sosial portugeza, Cláudia Joaquim, hatete hosi fonte hosi Ministériu timoroan nian ba Lusa.

Demokrasia, Estadu Direitu ho direitu ema sira nian, dezenvolvimentu humanu ho halakon kiak, direitu labarik sira nian no igualdade jéneru nian hanesan parte prinsipal tolu hosi programa sektorial hosi apoiu Portugal nian, ho asaun sira iha área sosial no iha kapasitasaun institusional, haktuir hosi Governu timoroan nian.

Parte tolu ne'e defini ona ho baze iha "objetivu sira ho prioridade sira ne'ebé konkorda ona hosi Governu nasaun rua ne'e", nia indika.

Sekretária Estadu portugeza to'o iha loron-kuarta ne'e iha Díli ba vizita ida besik semana ida iha nasaun, hodi reprezenta ministru José António Vieira da Silva no hodi hatán ba konviti hosi Armanda Berta dos Santos, ho objetivu hametin relasaun bilateral iha área Seguransa Sosial nian.

Cláudia Joaquim karik sei vizita sentru sira hosi asaun sosial iha parte oioin iha nasaun no inaugura, iha loron-sábadu, Bloku dahuluk hosi Sentru Komunitáriu Same nian, iha súl Díli nian, ne'ebé selu ho apoiu portugés.

Iha loron-kinta, delegasaun hosi sekretária Estadu sei desloka ba Manatuto ho Baucau, iha leste Díli nian, hodi vizita sentru sira asaun sosial nian. Iha loron tuirmai, sei fila ba kapital hodi koñese, entre fatin sira seluk, Sentru Nasional ba Reabilitasaun ho Sentru Juvenil Padre António Vieira.

Iha loron-segunda oinmai, responsável portugeza sei vizita sentru sosial sira iha enklave Oecusse-Ambeno.

Pontu importante ida hosi vizita akontese iha loron 16 Abril bainhira hala'o Konferénsia ida kona-ba Seguransa Sosial, ne'ebé promove hosi Ministériu Solidariedade Sosial ho Inkluzaun hamutuk ho Institutu Nasional hosi Seguransa Sosial timoroan nian.

Konferénsia sei analiza aspetu sira hanesan koperasaun bilateral iha área ne'e no sistema hosi seguransa sosial timoroan nian.

Akordu koperasaun entre nasaun rua sei asina iha momentu ne'ebá.

Lusa

 


Comentários

Critério de publicação de comentários