Pájina aktualizada iha 03:10h, kuarta-feira 25 Abril

Nasaun afrikanu haat aplika ona kastigu mate nian iha 2018

11 de Abril de 2019, 22:37

Nasaun afrikanu haat - Botsuana, Somália, Sudaun-Súl ho Sudaun - aplika ona kastigu mate nian iha tinan 2018, oho ema na'in 24, menus na'in haat duké iha tinan 2017, haktuir hosi relatóriu hosi Amnistia Internasional (AI) ne'ebé fó sai iha loron-kuarta.


Organizasaun direitu ema sira nian hatete katak avansu kona-ba aplikasaun hosi kastigu mate nian iha Áfrika subsarianu mantén "hanesan pozitivu", hodi esplika katak diminuisaun iha númeru hosi ezekusaun sira akontese liuliu iha Somália no maski iha aumentu "xokante" hosi mate sira iha Sudaun-Súl.

Nasaun rua ne'ebé la aplika kasitug kapital iha tinan 2017, Botsuana ho Sudaun, halo fila fali kastigu ne'e iha tinan 2018, hamutuk nune'e ho Somália ho Sudaun-Súl hanesan nasaun úniku sira ho ezekusaun iha rejiaun ne'e iha tinan liubá.

Burkina Faso, ne'ebé halakon ona kastigu mate ba krimi sira komun, ho Gámbia iha evolusaun pozitivu ida, Mauritánia ho Nijéria hanesan nasaun sira ho rezultadu negativu, aumenta nune'e ámbitu hosi aplikasaun ba asaun ne'e.

Númeru hosi kondenasaun sira ba mate tuun maka'as, hosi 878 ne'ebé rejista iha tinan 2017 ba 212 iha tinan 2018 maski nasaun sira ne'ebé dekreta ona kastigu ne'e aumenta hosi nasaun hamutuk 15 ba nasaun hamutuk 17.

Diminuisaun hosi kondenasaun sira akontese liuliu tanba diminuisaun hosi númeru sira kastigu mate nian iha Nijéria.

Tuir AI, Guiné Ekuatorial la rejista ezekusaun ruma no mós kondenasaun ruma ba kastigu mate nian iha tinan liubá. Autoridade sira ekuato-guiniense nian desidi ona adiamentu ida ba kastigu mate nian dezde nasaun adere ba Komunidade hosi Nasaun sira ho Lian Portugeza (CPLP), iha tinan 2014, no Prezidente Teodoro Obiang Nguema afirma ona, foin lalais ne'e, katak parlamentu analiza hela lei ida hodi halakon definitivu kastigu mate.

Lusa

 


Comentários

Critério de publicação de comentários