Pájina aktualizada iha 03:10h, kuarta-feira 25 Abril

Makau ho Xina debate ajenda sinu-luzófonu hodi reforsa koperasaun ho Amérika Latina, UE ho Áfrika

11 de Abril de 2019, 23:16

Sekretáriu ba Ekonomia ho Finansa hosi Makau promete ona ba visi-ministru Negósiu Estranjeiru xinés hodi aumenta estratéjia sinu-luzófonu hodi reforsa koperasaun ho Amérika Latina, Uniaun Europeia ho Áfrika, anunsia iha loron-kinta ne'e.


"Sei aumenta maka'as esforsu sira, liuliu aproveita dalan tolu hosi koperasaun ekonómiku ho komersial ho esterior, liuliu ho Amérika Latina liuhosi Brazil, Uniaun Europeia liuhosi Portugal ho Áfrika liuhosi Angola ho Mosambike", hatete hosi Lionel Leong Vai Tac ba governante xinés Le Yucheng iha reuniaun ida iha Pekin, iha loron-kuarta.

Iha komunikadu ne'ebé fó sai hosi gabinete hosi sekretáriu ba Ekonomia ho Finansa Makau nian, Le Yucheng "promete ona disponibilizasaun nafatin hosi apoiu" no "valorizasaun hosi nia knaar nu'udar ‘Sentru ida ho Plataforma ida’”.

Makau nia knaar nu'udar plataforma entre Xina ho nasaun sira ho lian portugeza halo parte hosi ajenda xineza hodi potensia relasaun ekonómiku internasional sira.

Leong hatete mós katak hein "bele simu nafatin apoiu hosi Ministériu ne'e hodi estimula koperasaun Makau nian ho nasaun luzófonu sira, iha área ekonómiku ho komersial, emprendedorizmu, no seluk tan".

Responsável aproveita ona hodi agradese ba Governu xinés ajuda hodi hasai Makau hosi lista jurisdisaun la koperante iha matéria fiskal, ne'ebé maka fó sai iha fulan-Dezembru 2017 hosi UE.

Makau, liutiha tinan 400 iha administrasaun portugeza nia laran, sai ona hanesan Rejiaun Administrativu Espesial ida hosi Xina iha loron 20 Dezembru 1999, ho aumentu aas ida hosi autonomia ne'ebé iha akordu ba períudu ida tinan 50 nia laran.

Lusa

 


Comentários

Critério de publicação de comentários