Pájina aktualizada iha 18:36h, kuarta-feira 16 Outubru

Forsa Armada Venezuela nian konfirma lealdade ba Nicolás Maduro

02 de Maio de 2019, 23:08

Forsa Armada sira Venezuela nian (FAV) konfirma ona, iha loron-kinta ne'e, nia lealdade ba Prezidente Nicolás Maduro, durante asaun ida iha Forte de Tiúna, baze militar prinsipal Caracas nian, ne'ebé partisipa ona, tuir fonte governamental sira, ofisial na'in 4.500.


"Ami mai ratifika ami nia lealdade ba instituisaun demokrátiku sira, ba povu Venezuela nian, ba komandante ho xefe supremu hosi Forsa Armada sira, hanesan úniku Prezidente Nicolás Maduro", hatete hosi jeneral no atualmente ministru venezuelanu Defeza nian, Vladimir Padrino López.

Iha parte seluk, Prezidente Nicolás Maduro halo ona diskursu ida ba militar sira ne'ebé insisti ona iha importánsia hosi pozisaun FAV nian ba dame iha nasaun no husu ona "konduta sériu ida no legal hodi husik tempu halo milagre sira" iha tempu ne'ebé agora daudaun.

"Forsa Armada sira ne'e tenki, hasoru mundu, fó lisaun istóriku ida, iha momentu ne'e, katak iha Venezuela iha Forsa Armada ida konsekuente, leal, koeza, unidu hanesan nunka akontese, halakon golpista revolta sira hosi traidor sira ne'ebé fa'an aan ba dolar sira hosi Washington", hatete hosi Nicolas Maduro.

Autoproklamadu Prezidente interinu Venezuela nian, Juan Guaidó, hamosu ona iha loron-tersa madrugada asaun ida forsa nian kontra rejimi Nicolás Maduro nian ne'ebé envolve ona militar sira no ne'ebé apela ona ba adezaun popular.

Rejimi hatán hodi konsidera katak akontese hela tentativa ida golpe Estadu nian no laiha progresu sira iha situasaun ne'ebé karik hanesan domina hosi rejimi.

Lusa

 


Comentários

Critério de publicação de comentários