Pájina aktualizada iha 16:02h, sesta-feira 23 Agostu

Aumenta ba na'in 51 ema sira ne'ebé mate iha masakre iha meskita sira iha Nova Zelándia

03 de Maio de 2019, 19:14

Númeru hosi vítima mortal sira iha masakre ne'ebé akontese iha fulan-Marsu, iha meskita rua iha sidade iha súl Nova Zelándia nian, aumenta ba na'in 51 hafoin ema ida ne'ebé kanek iha akontesimentu mate ona, informa hosi primeira-ministra Jacinta Ardern iha loron-sesta ne'e.


Vítima mortal hosi masakre iha loron 15 Marsu ne'e hanesan sidadaun turku ida ne'ebé hetan tratamentu iha unidade terapia intensivu hosi Hospital Christchurch, sidade ne'ebé maka hetan atake sira.

"Ne'e hanesan vítima daruak ne'ebé maka mate iha hospital, laiha posibilidade hodi ajuda vítima dahuluk bainhira to'o iha ospital iha loron 15 Marsu", Ardern hatete.

Primeira-ministra hatutan mós katak ema na'in sia sei internadu iha ospital maibé iha situasaun estável.

Brenton Tarrant, australianu nasionalista mutin ida ho tinan 28, reklama ona responsabilidade ba atake sira hasoru meskita sira, divulga ona manifestu ida anti-imigrante sira ho pájina hamutuk 74 no transmiti iha diretu iha Internet momentu atake nian.

Lusa

 


Comentários

Critério de publicação de comentários