Pájina aktualizada iha 04:10h, tersa-feira 22 Maiu

Timor-Leste rejista fatin di'ak daruak iha sudeste aziátiku iha liberdade imprensa

06 de Maio de 2019, 21:39

Timor-Leste hadi'a ona fatin 11 iha índise hosi liberdade imprensa nian iha tinan ikus, maibé rejista nafatin kazu sira hosi intimidasaun hosi jornalista sira no interferénsia iha 'media' nasional sira, haktuir hosi organizasaun Reporters sans Frontières.


Timor-Leste hanesan nasaun úniku hosi rejiaun iha grupu hosi nasaun sira "iha situasaun satisfatóriu", agora iha pozisaun 84 iha ranking hosi nasaun hamutuk 180.

Entre nasaun sira hosi Asosiasaun hosi Nasaun sira Sudeste Aziátiku (ASEAN), Malázia ho Tailándia de'it maka iha situasaun di'ak, sa'e ba pozisaun 22 ho pozisaun haat, ba 123 no 134 iha índise maski halo parte iha grupu hosi nasaun sira ho "situasaun susar".

Grupu ne'ebé halo parte hosi Indonézia iha pozisaun 124 no Singapura iha pozisaun 151 ho nasaun sira seluk tuun fatin ida: Filipinas (pozisaun 134), Myanmar (pozisaun 138), Camboja (pozisaun 143), Brunei (pozisaun 152) – nasaun sira ne'e iha “situasaun sériu” – ho Laos (pozisaun 171) ho Vietname (pozisaun 176), nasaun rua ne'e tama iha grupu hosi nasaun sira ne'ebé "iha situasaun sériu tebes".

Relatóriu tinan 2019 hosi organizasaun refere katak tinan ne'e de'it rejista ona iha Timor-Leste "pelumenus kazu tolu ba intimidasaun ho interferénsia", inklui prosesu hodi hasai antigu prezidente Konsellu Administrasaun hosi Rádiu ho Televizaun Timor-Leste (RTTL) nian, Gil da Costa.

Jornalista ida seluk hosi RTTL denunsia katak hetan ameasa hosi parte xefe gabinete nian hosi sekretáriu Estadu hosi Komunikasaun Sosial (SECOMS), tanba komentáriu sira ne'ebé nia publika iha rede sosial sira.

Iha RTTL, jornalista sira halo kesar iha Konsellu Imprensa katak asesora ida hosi prezidente foun instituisaun nian husu ona hodi hasai konteúdu notísia balun hosi notisiáriu kalan nian.

Iha análize hosi situasaun 'media' iha Timor-Leste, RSF konsidera katak kondisaun sira hosi jornalista sira "sei dook hosi kondisaun ideal", ho ema barak iha autoridade sira "la hatene jornalista sira nia serbisu".

Iha área privadu, "empreza boot barak no membru sira elite nian sei oferese osan ka envelope sira ba jornalista sira hodi halo kobertura ba notísia balun", ho difikuldade balun hodi halo diferensa entre notísia loloos sira ho boatu sira.

"Infelismente, membru barak hosi media Timor-Leste nian dalabarak la tuir padraun profisional sira no la tuir kódigu étika ho prinsípiu sira hosi jornalizmu. Hanesan ezemplu, balun publika lalais, lahó verifikasaun, no kontribui ba aumentu hosi notísia falsu sira no, dalaruma, to'o konflitu sira", refere hosi relatóriu.

"Iha mós sira ne'ebé tauk hodi halo krítika ba sira ne'ebé iha poder no nune'e halo prátika autosensura. Aleinde ne'e, frakasu hosi jornalista balun hodi peskiza no hadi'a komprensaun hosi asuntu sira ne'ebé sira akompaña, hamosu notísia barak lahó análize no konteúdu", refere.

Ba futuru, relatóriu destaka debate sira kona-ba rede sosial sira iha Parlamentu ho proposta hosi lei ida hodi regulamenta siberkrime.

Lusa

 


Comentários

Critério de publicação de comentários