Pájina aktualizada iha 03:09h, kuarta-feira 21 Novembru

António Guterres alerta ba aumentu ameasa hosi mudansa klimátika ba dame ho seguransa mundial sira

15 de Maio de 2019, 23:51

Sekretáriu-jeral ONU nian, António Guterres, alerta ona iha loron-kuarta ne'e, iha illa Fiji, kona-ba aumentu hosi perigu ba dame no seguransa mundial sira ne'ebé maka halo hosi mudansa klimátiku sira ne'ebé afeta maka'as arkipélagu hosi Pasífiku.


"Estratega militar sira haree klaru posibilidade hosi impaktu sira hosi mudansa klimátiku aumenta tensaun sira ba rekursu sira no hamosu movimentu maka'as hosi ema sira iha mundu tomak", Guterres hatete iha simeira hosi Fórum Illa sira hosi Pasífiku.

Responsável lembra ona katak temperatura sira no dezastre natural sira aumenta maka'as, no subliña katak mudansa klimátika sei afeta maka'as seguransa hahán nian tanba masin iha bee no lakon área sira kultivu nian, nune'e mós sistema sira hosi saúde públiku iha nasaun sira ne'ebé fraku liu.

Iha tinan 2016, ema millaun 24 resin hosi nasaun no teritóriu hamutuk 118 maka tenki husik sira nia rezidénsia tanba dezastre natural sira, aumenta maka'as tebes duké númeru sira hosi ema sira ne'ebé deslokadu tanba konflitu sira iha planeta, haktuir hosi informasaun sira hosi ONU.

Guterres destaka mós esperiénsia istóriku hosi illa sira Pasífiku nian iha adaptasaun hasoru fenómenu klimátiku oioin no husu ona koperasaun maka'as hosi komunidade internasional ho zona hosi parte mundu ne'e hodi hasoru ho efeitu sira hosi mudansa klimátiku sira.

"Rejiaun hosi Pasífiku hanesan ezemplu hosi mudansa klimátiku sira (...) no tanba ne'e maka imi hanesan aliadu importante sira iha luta" kontra fenómenu ne'e, afirma hosi Guterres ne'ebé haktuir iha komunikadu ida.

Sekretáriu-jeral hosi ONU vizita hela Oseánia liuliu hodi ko'alia kona-ba aumentu hosi problema sira ne'ebé mosu tanba mudansa klimátiku sira no tanba ameasa ne'ebé maka mosu hosi tasi no oseanu sira iha planeta ne'ebé, ho aumentu hosi nível bee nian tanba akesimentu global, hamosu daudaun lakon hosi rai sira iha illa sira Pasífiku nian.

Lusa

 


Comentários

Critério de publicação de comentários