Pájina aktualizada iha 21:55h, kuarta-feira 20 Novembru

Timor Resources hein atu hahú perfurasaun petróleu nian iha Timor-Leste to'o tinan ne'e nia rohan

16 de Maio de 2019, 22:10

Empreza Timor Resources hein atu hahú iha tinan ne'e nia rohan perfurasaun dahuluk sira iha fatin tolu to'o fatin lima hosi bloku ida ne'ebé maka iha lisensa hodi halo esplorasaun ho produsaun petróleu nian iha Timor-Leste, hatete hosi responsável ida.


"Identifika ona fatin tolu iha Bloku A hanesan fatin posível sira ba perfurasaun sira ne'ebé ami hein hodi hahú iha tinan ne'e nia rohan ka iha inísiu hosi tinan 2020", hatete hosi responsável máximu hosi Timor Resources (TR) iha Timor-Leste, Filomeno de Andrade, ba Lusa.

"Agora buat hotu depende hosi rezultadu sira hosi teste sira ne'ebé ami halo no iha fulan-Jullu ami sei defini fatin sira ne'ebé maka ami sei halo perfurasaun sira", nia refere.

Rekorda katak Governu timoroan fó ona iha fulan-Abril 2017 ba TR lisensa dahuluk sira hosi esplorasaun ho produsaun petróleu nian iha interior nasaun nian, halo parte área ida ho rihun rua resin kilómetru kuadradu iha munisípiu haat hosi súl nasaun nian.

Bloku A - iha munisípiu sira Covalima ho Maliana - no Bloku C - iha munisípiu sira Manufahi ho Ainaro - halo parte ona, iha rejimi hosi Kontratu sira Partilla hosi Produsaun nian (PSC), ba Timor Resources Pty Ltd, empreza australianu ida ne'ebé halo parte hosi Nepean Group.

Bloku B haruka ona ba TIMOR GAP Onshore Block, subsidiáriu ida hosi empreza públiku petrolíferu Timor-Leste nian (TIMOR GAP).

Filomeno de Andrade esplika ona katak, to'o agora, empreza investe ona dolar millaun 16 resin iha projetu sira, valor ida ne'ebé la'ós dimensaun boot ida tanba haree empreza inan, Nepean, "empreza australianu boot ne'ebé hanesan fornesedor hosi ekipamentu sira mina nian, no ne'ebé bele sai hanesan empreza boot iha mundu" hafoin sosa empreza europeia Sanvic iha tinan 2018.

Aposta ida hosi empreza familiar ida ne'ebé "iha Timor la'ós de'it tanba petróleu ho gás maibé mós hodi apoia nasaun, hanoin iha populasaun".

Nia hatete katak, iha futuru, empreza "bele loke oportunidade ba partisipasaun sira hosi empreza internasional sira", la'ós tanba empreza "tauk ka presiza osan", maibé hodi permiti "entrada hosi investidor sira ka parseiru sira bainhira iha tan perfurasaun sira".

"Planu atual haree ba perfurasaun tolu to'o lima iha Bloku A. Ida-idak hosi perfurasaun tolu - iha 'shallow field', to'o metru 2.000 - sei kusta dolar millaun 35", nia afirma.

"Hanesan investimentu boot ida no, iha perspetiva ba perfurasaun sira seluk, karik kompañia bele loke oportunidade hodi aumenta parseiru sira", nia hatete.

Planu inisial ho tinan hitu ba esplorasaun previa hosi peskiza tinan rua, hosi tinan daruak ba tinan datoluk hahú ho perfurasaun sira, to'o tinan haat kompleta estudu hosi kapasidade sira no, hosi tinan lima ba oin, iha posibilidade hahú esplorasaun.

Maibé kalendáriu ida ne'ebé hafoin aselera liuliu iha Bloku A.

"Ami hahú iha 2017 peskiza jeolójiku sira no estudu sira seluk no iha fulan-Outubru 2018 (...) teste sísmiku sira iha Bloku A. Levantamentu sira iha Bloku A halo tiha ona no ami hein de'it halo teste sísmiku sira", refere hosi Andrade.

"Ami konklui iha tinan dahuluk peskiza jeolójiku sira no ami hahú ona iha tinan daruak teste jeolójiku sira. Iha Bloku A, teste sísmiku sira kompletu ona no agora ami hein rai rezultadu sira hosi teste sira ne'e", nia esplika.

Andrade esplika ona katak empreza uza ona sistema vibroseis, alternativu ida kontroladu hosi teste sísmiku sira, no la'ós esplozivu sira "tanba Governu seidauk iha regulamentasaun kona-ba esplozivu sira".

Iha kazu hosi Bloku C, nia esplika katak teste sira "hahú iha Outubru" iha zona Betanu (entre Alas ho Hatudo) no teste vibroseis sira "bele halo de'it iha époka bai-loron".

Responsável hosi TR hatete katak peskiza halo hosi empreza sei tau hamutuk ho "estudu anterior sira ne'ebé halo ona iha zona sira, durante tempu portugés no tempu indonéziu, inklui sira ne'ebé maka halo hosi empreza australianu Timor Oil, ne'ebé maka uluk halo ona operasaun iha nasaun".

Iha kazu hosi bloku iha atensaun sira ne'ebé sentra iha perfurasaun hamutuk 16 resin, ne'ebé tolu - Suai Loro 1 ho 2 ho Matai-6 - hanesan "ativu", no iha tinan 1970 hosi sékulu liubá, Suai Loro 2, (Kota Tasi), hanesan ezemplu, "halo ona produsaun ho baril 225 resin loron-loron".

Nia hatete agora tenki prova to'o pontu ne'ebé maka rezerva ne'e sei hanesan ativu, liuliu tanba iha Bloku A iha fatin oioin hosi hasai petróleu nian (sips) ne'ebé bele sujere "lakon ruma iha tempu hirak ne'e nia laran".

Kona-ba situasaun atual hosi Timor-Leste, Andrade hatete katak empreza "iha atensaun", maibé katak "la depende hosi nasaun kona-ba parte finanseiru", tanba kestaun ba preokupasaun boot maka "kapasidade ho serbisu sira".

"Iha preokupasaun ida tanba empreza dezenvolve mós atividade sira kona-ba projesaun nasaun nian iha estranjeiru, kuaze hanesan embaixador ekonómiku. Ami iha knaar ida ativu tebes iha divulgasaun informasaun nian", nia destaka.

Empreza fó ona serbisu, iha faze dahuluk sira projetu nian, ba joven timoroan na'in 220 resin, barak laiha esperiénsia no tenki tuir formasaun ho espesialista internasional sira.

"kompromisu hosi TR maka atu 90% hosi traballador sira ne'ebé maka serbisu ho ami hanesan ema timoroan sira. Ami iha valor ne'ebé aas kona-ba ne'e no ami sei kontinua iha dalan ne'e", nia hatete.

Lusa

 


Comentários

Critério de publicação de comentários