Pájina aktualizada iha 21:55h, kuarta-feira 20 Novembru

Joven timoroan na'in tolu manán Prémiu Lian Portugeza daneen hosi Fundasaun Oriente iha Díli

16 de Maio de 2019, 22:54

Joven timoroan na'in tolu manán ona, iha loron-kinta ne'e, Prémiu Lian Portugeza edisaun daneen ne'ebé maka fó hosi Fundasaun Oriente, iha Díli, ho testu sira ne'ebé inspiradu iha fraze ida hosi obra hosi eskritor timoroan Luís Cardoso.


Fraze “só se cansa do mar, quem do mar só vê água”, hosi obra “Crónica de uma Travessia”, sai hanesan lema ba konkursu ne'ebé hetan ona obra kandidata hamutuk 26, entre sira maka júri luzu-timoroan ida hili vensedor sira.

Emanuel Viana, Laura Pereira ho Alfionita dos Santos maka hanesan joven na'in tolu ho serbisu ne'ebé hetan liu klasifikasaun di'ak.

Premiadu tolu sei halo viajen ba Portugal, iha fulan hirak tuirmai, no sei iha oportunidade hodi partisipa iha Kursu Veraun ida hosi Lian ho Kultura Portugeza nian hosi Universidade Coimbra.

Iha pozisaun tolu tuirmai maka manán hosi Gerson Araújo, Irene Leão ho Antonio Ximenes, ne'ebé bele hetan kursu avansadu ida lian portugeza nian, iha Fundasaun Oriente, hahú hosi fulan-Jullu, hodi nune'e bele hadi'a sira nia kapasidade linguístiku.

Iha edisaun tinan ne'e, aprezenta ona serbisu hamutuk 26 ba konkursu, esplika hosi delegada Fundasaun Oriente nian, Sónia Fonseca.

Hahú hosi edisaun dahuluk konkursu nian, iha 2013, total ida hosi joven timoroan na'in 12 haruka ona, ba dala uluk ba Makau no hafoin ne'e ba Portugal, hodi partisipa iha kursu sira aperfeisoamentu hosi sira nia koñesimentu iha portugés.

Ministra edukasaun, juventude ho desportu timoroan, Dulce Soares, bainhira halo intervensaun iha serimónia anúnsiu ba vensedor sira, felisita inisiativu, tanba insentiva "uzu hosi lian portugeza iha ambiente literáriu, promove produsaun literáriu no, neineik, ba leitura".

"Ita bele enaltese de'it atividade ne'e. Ha'u agradese ona ba joven sira ne'ebé partisipa ona no ha'u husik insentivu hodi nune'e, iha tinan oinmai, iha tan joven barak hodi partisipa", nia afirma.

José Pedro Machado Vieira, embaixador Portugal nian iha Timor-Leste, felisita ona partisipante sira iha konkursu literáriu, ne'ebé permiti ba joven sira "dezenvolvimentu hosi sira nia kompeténsia linguístiku ho komunikativu sira iha lian portugeza".

Diplomata relembra katak lian hanesan dala ida ba kultura, formasaun no asesu ba koñesimentu sientífiku ho tékniku, nune'e "hanesan importante apoia nia konsolidasaun", aspetu ne'ebé halo parte nafatin iha koperasaun portugeza ho Timor-Leste.

Lusa

 


Comentários

Critério de publicação de comentários