Pájina aktualizada iha 21:55h, kuarta-feira 20 Novembru

Governu timoroan husu kolaborasaun hosi média hodi reforsa dever síviku sira

16 de Maio de 2019, 23:37

Iha loron-kinta ne'e, Governu timoroan husu ona ba média hodi kolabora iha mensajen ida apelu nian ba sidadaun sira hodi kumpri sira nia dever síviku, fó hanesan ezemplu kestaun sira hanesan foer ka tránzitu ne'ebé presiza apoiu hosi ema tomak.


"Hanesan halo balansu presáriu ida no susar entre direitu ho dever hosi ema tomak. Dalaruma, ita iha foku maka'as iha direitu sira maibé laiha foku iha dever síviku sidadaun nian", afirma hosi ministru Reforma Lejislativu ho Asuntu Parlamentar sira, Fidelis Magalhães, iha loron-kinta ne'e.

"Média sira bele kontribui hodi fortalese espíritu no hanoin hosi dever síviku. Laiha Governu ida ne'ebé maka konsege rezolve buat hotu. No média sira bele kontribui ba responsabilidade hosi dever síviku hosi sidadaun", nia hatutan mós.

Iha enkontru ida ho jornalista sira iha Díli, Fidelis Magalhães afirma fali importánsia hosi papel komunikasaun sosial nian "iha konstrusaun hosi nasaun no iha prosesu dezenvolvimentu" nasaun nian.

Responsável sira hosi komunikasaun sosial timoroan sira ho Lusa hetan ona konvitu ba ‘briefing’ ida kona-ba "Estadu Governu nian" iha Palásiu Governu nian iha Díli, ne'ebé konvoka hodi "hametin parseria ho media sira kona-ba divulgasaun hosi informasaun" kona-ba asaun governativu.

Ministru hatete katak Governu tenta nafatin kaer knaar proativu ida "hodi halo Estadu sai forte liu, reforsa sentidu pertensa ka sentidu nasaun nian", prosesu ida "labele sai posível bainhira laiha apoiu no serbisu hosi komunikasaun sosial no hosi média".

Repete fali katak la'ós kestiona ka limita liberdade ruma hosi imprensa ne'ebé maka konsagra iha nasaun, Magalhães husu apoiu ba jornalista sira hodi nune'e la tama iha ajenda ida hosi "populizmu" ne'ebé kria espetativu katak "Estadu ho Governu tenki rezolve buat hotu".

Fidelis Magalhães aponta ona ezemplu sira hosi tránzitu ka foer, área sira ne'ebé Governu foti hela medida sira maibé ne'ebé nia konsidera importante atu sidadaun sira kumpri dever síviku nian.

"Ita labele iha polísia ida iha kantu ida-idak hodi kontrola tránzitu", nia hatete no hatutan katak kona-ba foer "Governu kontinua serbisu hodi hadi'a serbisu sira maibé sei la rezolve bainhira laiha apoiu hosi ema tomak no bainhira sidadaun sira la kumpri sira nia dever síviku".

Iha nia intervensaun, Fidelis Magalhães felisita ona papel ne'ebé media sira hala'o iha "ezijénsia hosi sé maka kaer kargu públiku sira hodi kumpri sira nia dever ho responsabilidade".

"Tenki eziji nafatin dever ho responsabilizasaun ba sé maka kaer kargu públiku sira. Ha'u felisita asaun sira ne'ebé halo kona-ba kestaun ne'e. Ha'u hein katak iha Timor-Leste sei kontinua ho ezijénsia sira ne'e. Tenki responsabiliza sé maka kaer kargu públiku sira", nia afirma.

Lusa

 


Comentários

Critério de publicação de comentários